ەلەكتر ەنەرگيياسىن ورىنسىز پايدالانعانى ٷشٸن «استانا اەك» اق باسقارما تٶراعاسىنىڭ ورىنباسارى مەن ونىڭ بٸرقاتار باعىنىشتى قىزمەتكەرٸ سوتتالدى. بۇل تۋرالى AntikorNEWS الاڭىندا قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ ايتتى, دەپ حابارلايدى قازاقپارات.
نۇر-سۇلتان قالاسى بويىنشا سىبايلاس جەمقورلىققا قارسى قىزمەت «استانا اەك» اق-نىڭ سەنٸپ تاپسىرىلعان ەلەكتر ەنەرگيياسىن ٸرٸ مٶلشەردە جۇمساۋ فاكتٸسٸ بويىنشا باسقارما تٶراعاسىنىڭ ورىنباسارى ا.ب.تٷسٸپبەكوۆكە, سونداي-اق ونىڭ باعىنىشتى قىزمەتكەرلەرٸ – اق ۋچاسكە باستىقتارى ر.گ.بوريسوۆكە, ب.ە.جاقىپوۆقا جەنە ەلەكتر ەنەرگيياسىن تۇتىنۋدى باقىلاۋ قىزمەتٸنٸڭ باستىعى ق.ب.قوراباەۆقا قاتىستى سوتقا دەيٸنگٸ تەرگەۋ جٷرگٸزگەن بولاتىن.
«سوتقا دەيٸنگٸ تەرگەۋ بارىسىندا كٷدٸكتٸلەر 13,7 ملن تەڭگە, ال كەسٸپكەرلٸك سۋبەكتٸلەر 60,3 ملن تەڭگە سوماسىنداعى زالالدى تولىق كٶلەمدە ٶتەدٸ», - دەيدٸ قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ.
ونىڭ ايتۋىنشا, 6 قاڭتار كٷنٸ نۇر-سۇلتان قالاسى الماتى اۋدانىنىڭ №2 اۋداندىق سوتىنىڭ ٷكٸمٸمەن كٸنەلٸلەر قر قك 189-بابىنىڭ 3-بٶلٸگٸ, 1,3-تارماقتارى جەنە قر قك 189-بابىنىڭ 3-بٶلٸگٸ, 3-تارماعى بويىنشا سوتتالعان.
«جازانى ٶتەۋدٸڭ بارلىق مەرزٸمٸ ٸشٸندە سوتتالعان ادامدى جىلىنا 100 ساعاتقا مەجبٷرلەپ ەڭبەككە تارتا وتىرىپ, ەرقايسىنا 3 جىل 6 ايعا باس بوستاندىعىنا شەكتەۋ جازاسى تاعايىندالدى», - دەيدٸ ول.
