فوتو: بفك
بوكستان قازاقستاننىڭ باس باپكەرٸ مىرزاعالي ايتجانوۆ پاريجدەگٸ جازعى وليمپيادا ويىندارىنداعى بوكس نەتيجەسٸنە قاتىستى پٸكٸر بٸلدٸردٸ. باس باپكەر جالعىز كٷمٸسكە قول جەتكٸزگەن بىلعارى قولعاپ شەبەرلەرٸ ٷشٸن حالىقتان كەشٸرٸم سۇرادى.
"حابار" ارناسىنىڭ Telegram-داعى رەسمي ارناسىندا وليمپيادانى قورىتىندىلاعان باپكەر بٸردەن جٸگٸتتەردٸڭ دايىندىعى تۋرالى سٶز قوزعادى. ول پاريجدەن تەك كٷمٸس جٷلدەمەن قايتقان بىلعارى قولعاپ شەبەرلەرٸنە سەتتٸلٸك جەتٸسپەگەنٸن العا تارتتى.
"تٷسٸنەمٸن, ەلدٸڭ, جانكٷيەرلەردٸڭ بٸزدٸڭ جەكپە-جەكتەرگە كٶڭٸلٸ تولعان جوق. سول ٷشٸن كەشٸرٸم سۇرايمىز. جالپى ەشكٸم ۇتىلامىن دەپ كەلگەن جوق. جٸگٸتتەردٸڭ بەرٸ بارىن سالىپ جۇدىرىقتاستى. جاقسى دايىندىقپەن كەلدٸ. بٸراق بٸر سەتتٸلٸك جەتپەدٸ دەپ ويلايمىن. بٸزدٸ جاقتادى, قورعامادى دەمەيمٸن. مەن وندايعا ٷيرەنگەن ەمەسپٸن. بٸز بەرٸن ٶزٸمٸزدەن كٶرەمٸز. بۇيىرماي تۇر, كەم-كەتٸك بار شىعار. سول سەبەپتٸ جەڭٸسكە جەتپەگەن شىعارمىز", - دەدٸ ول.
وسى رەتتە مىرزاعالي ايتجانوۆ بوكسشىلاردى سىناعاندارعا جاۋاپ بەردٸ. ول وتانداستارىنا قولداۋ كٶرسەتكەن جانكٷيەرلەرگە العىس ايتۋدى ۇمىتقان جوق.
"بٸراق جٸگٸتتەردٸڭ ەشقايسىسى شارشاعان جوق. "شارشادى, دايىندىق ناشار" دەگەندەي نەبٸر سٶزدٸ ەستٸپ جاتىرمىز. بٷكٸل ەلەم, ەرٸپتەستەرٸم بٸزدٸڭ بالالارعا ريزا بولىپ جاتىر. "جەڭٸستەرٸڭدٸ الىپ قويدى عوي" دەگەن كەزدە بٸزدٸڭ ەل داتتاپ جاتقانىن كٶرٸپ, "قالاي ەل بولامىز?" دەپ ويلايمىن. ال جالپى بارشا جانكٷيەرگە راقمەت. مٷمكٸن, ەلدٸڭ نامىسىن قاتتى ويلاعان سوڭ سولاي ايتىپ جاتقان شىعار, بٸراق بەرٸ امان بولسىن. قولداعانى دا, قولداماعانى دا, داتتاعاندار دا, قولداپ جاتقاندار دا... قازاقپىز, بٸر-بٸرٸمٸزدٸ وسىندايدا قولداماعاندا قالاي قولدايمىز? "مەنمٸن" دەگەن ەلەمنٸڭ بەس دٷركٸن چەمپيوندارى, وليمپيادا چەمپيوندارى ۇتىلىپ جاتىر, بۇل – وليمپيادا. بەرٸمٸزگە وسى ساباق بولدى, جەلەۋ ٸزدەمەيمٸز, كٸنە ٶزٸمٸزدەن",- دەدٸ مىرزاعالي ايتجانوۆ.
