«Nur Otan» پارتيياسىنىڭ ەلورداداعى قوعامدىق قابىلداۋ بٶلٸمٸندە قر ٸشكٸ ٸستەر مينيسترٸ ەرلان تۇرعىمباەۆ ازاماتتاردى جەكە مەسەلەلەرٸ بويىنشا قابىلدادى, دەپ حابارلايدى قازاقپارات تٸلشٸسٸ.
ٶزٸنٸڭ مەسەلەسٸن قر ٸشكٸ ٸستەر مينيسترٸنە جەتكٸزۋ ٷشٸن تۇرعىندار ەلٸمٸزدٸڭ تٷكپٸر-تٷكپٸرٸنەن ارنايى كەلٸپتٸ. ەۋەلٸ ەرلان تۇرعىمباەۆ ٶڭٸرلەرمەن ونلاين-بايلانىسقا شىعىپ, ازاماتتاردىڭ شاعىمدارى مەن ساۋالدارىن تىڭدادى. حالىق تاراپىنان قويىلعان سۇراقتاردىڭ جالپى سيپاتى تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز ايتىپ بەردٸ.
«بٷگٸن «Nur Otan» پارتيياسىنىڭ الاڭىندا مينيستر قاراپايىم ازاماتتاردى ٶزٸنٸڭ مەسەلەلەرٸمەن قابىلداپ جاتىر. قازٸردٸڭ ٶزٸندە 50-گە جۋىق ازامات تٷرلٸ ايماقتاردان ٶزدەرٸنٸڭ ساۋالدارىن تٸكەلەي قويۋعا جازىلعان. بۇعان تەحنيكالىق مٷمكٸندٸك بار. سۇراقتاردىڭ سيپاتى ەركەلكٸ. مەسەلەن, پاۆلولدار, الماتى وبلىستارىنان قىلمىستىق ٸستەردٸ زاڭسىز قىسقارتۋعا بايلانىستى سۇراق قويىلدى. تەرگەۋشٸلەردٸڭ ەرەكەتتەرٸنە كٶڭٸلٸ تولمايتىن ادامدار دا حابارلاسىپ جاتىر. وسى جەنە ٶزگە دە مەسەلەلەر بويىنشا سۇراقتار قويىلۋدا. دەل وسى جەردە قر ٸشكٸ ٸستەر مينيسترٸ وسىدان بٸرنەشە اي بۇرىن قاراپايىم تۇرعىنداردى قابىلداعان بولاتىن. ول كەزدە 40-قا جۋىق ارىز قارالدى. ونىڭ 80 پايىزى مينيستردٸڭ قاتاڭ باقىلاۋىندا بولىپ, كٶپتەگەن ازاماتتار ساۋالدارىنا شەشٸم تاپقان بولاتىن. بٷگٸن قويىلعان سۇراقتاردىڭ بەرٸ سولاي قاراستىرىلادى», - دەيدٸ نۇردٸلدە وراز.
مينيسترلٸك ٶكٸلٸ قابىلداۋعا جازىلعان ادامداردىڭ كەيبٸرٸ ٸشكٸ ٸستەر مينيسترلٸگٸنٸڭ قۇزىرەتٸنە جاتپايتىن ساۋالدار قويىپ جاتقانىن دا اتادى.
«كەيبٸر ازاماتتاردىڭ پروكۋراتۋرا, سوت سالاسىنا قاتىستى سۇراقتاردى قويعانىن كٶردٸڭٸزدەر. ولاردى سيپاتىنا قاراي سوتقا نەمەسە پروكۋراتۋراعا باعىتتاپ جاتىرمىز. ٸشكٸ ٸستەر مينيسترلٸگٸ ٶزٸنٸڭ قۇزىرەتٸ بويىنشا جاۋاپ بەرەدٸ. دەگەنمەن, بٷگٸن قويىلعان سۇراقتاردىڭ بارلىعى قاتاڭ تەكسەرٸلٸپ, مينيسترلٸك قۇرىلىمىنداعى جەرگٸلٸكتٸ ورگان باسشىسىنىڭ, تٸپتٸ بولماسا مينيسترلٸك باسشىلىعىنىڭ نازارىنا الىنىپ, شەشٸمٸن تاباتىن بولادى», - دەيدٸ ول.
رەسمي ٶكٸل ٸشكٸ ٸستەر سالاسىنا قاتىستى پروبلەماسى بار ادامدار «Nur Otan» پارتيياسىنىڭ قابىلداۋ ۇيىمداستىرۋىن كٷتپەي-اق, ٶز بەتٸمەن ارىزدانۋعا بولاتىنىن ايتادى.
«ازاماتتاردى قابىلداۋ پروتسەسٸ تەك «Nur Otan» الاڭىندا عانا جٷرگٸزٸلمەيتٸنٸن ايتقىم كەلەدٸ. مينيستردٸڭ ٶزٸنٸڭ قابىلداۋى بار. ول جىلىنا 4-5 رەت, ساۋالدار كٶپ بولعان جاعدايدا ودان دا جيٸ ٶتكٸزٸلەدٸ. مينيسترلٸك باسشىسىنىڭ بەس باعىت بويىنشا ورىنباسارلارى, كوميتەت جەنە دەپارتامەنت باسشىلارى بار. ولار دەل وسىنداي قابىلداۋلار ٶتكٸزەدٸ. ەر ٶڭٸردەگٸ پوليتسييا دەپارتامەنتٸنٸڭ باسشىلارى دا جەرگٸلٸكتٸ حالىقتى جەكە مەسەلەلەرٸ بويىنشا قابىلدايدى. ەربٸر قابىلداۋ پروتسەسٸ مينيسترلٸك سايتىندا كٶرسەتٸلگەن. كەز كەلگەن قانداي دا بٸر سۇراعى بولسا, ول تەرگەۋگە قاتىستى ما, بولماسا كريمينالدىق سالا بويىنشا ما, بولماسا قىلمىستىق اتقارۋ جٷيەسٸنە شاعىمى بولسا, ٶزٸ قۋدالاۋعا ۇشىراسا, قىزمەتكەرلەردٸڭ جۇمىسىنا كٶڭٸلٸ تولماسا ٸشكٸ ٸستەر مينيسترلٸگٸنٸڭ سايتىندا كٶرسەتٸلگەن كەستە بويىنشا قابىلداۋعا جازىلىپ, ٶز مەسەلەلەرٸن شەشە الادى», - دەپ تولىقتىردى ول.
