رەسەي اۋماعىندا زاڭسىز جٷرگەن قازاقستاندىقتار 15 ماۋسىمعا دەيٸن قر ٸشكٸ ٸستەر ورگاندارىنا جٷگٸنۋٸ قاجەت. بۇل تۋرالى قر سىرتقى ٸستەر مينيسترلٸگٸنەن مەلٸم ەتتٸ, دەپ حابارلايدى "ۇلت اقپارات".
بيىلعى جىلدىڭ 15 ماۋسىمىنا دەيٸن رەسەيدە زاڭسىز جٷرگەن قازاقستان ازاماتتارى اتالمىش ەل اۋماعىندا بولۋىن زاڭداستىرۋى قاجەت. كەرٸ جاعدايدا رف-دان كەتۋگە مٸندەتتٸ. مۇنداي تالاپتى رەسەي فەدەراتسيياسى ٸشكٸ ٸستەر مينيسترلٸگٸ قويىپ وتىر.
قر سٸم اقپاراتىنا سەيكەس, رەسەيدە زاڭسىز جٷرگەن ازاماتتار ساناتىنا كەلەسٸلەر جاتادى:
- مٷلدەم تٸركەۋگە تۇرماعان;
- ۋاقىتشا تٸركەۋٸنٸڭ, ۋاقىتشا بولۋ رۇقساتىنىڭ جەنە تۇرعىلىقتى تۇرۋعا رۇقساتىنىڭ ۋاقىتى ٶتٸپ كەتكەندەر.
«ونىمەن بٸر مەزگٸلدە قازاقستاندىقتار زاڭدى نەگٸزدەر بولعان جاعدايدا (جۇمىس, وقۋ جەنە ت.ب.) رەسەيدەن شىقپاي, ەلدە ۋاقىتشا بولۋ مەرزٸمدەرٸن ۇزارتۋ ٷشٸن ٸٸم ورگاندارىنا جٷگٸنۋگە قۇقىلى. بۇل جاعدايدا ازاماتتارعا قاتىستى جاۋاپكەرشٸلٸككە تارتۋ شارالارى قولدانىلمايدى», - دەدٸ مينيسترلٸكتەن.
ال رەسەيدە بولۋ مەرزٸمٸن زاڭدى تٷردە ۇزارتقىسى كەلمەگەندەر جەنە ەلدەن ٶز ەركٸمەن كەتكٸسٸ كەلمەگەندەر ەلدەن مەجبٷرلەپ شىعارىلاتىن بولادى. بۇدان بٶلەك, رف اۋماعىنا قايتا كٸرۋگە شەكتەۋ قويىلۋى مٷمكٸن.
