Resei aýmaǵynda zańsyz júrgen qazaqstandyqtar 15 maýsymǵa deiin QR ishki ister organdaryna júginýi qajet. Bul týraly QR Syrtqy ister ministrliginen málim etti, dep habarlaidy "Ult aqparat".
Biylǵy jyldyń 15 maýsymyna deiin Reseide zańsyz júrgen Qazaqstan azamattary atalmysh el aýmaǵynda bolýyn zańdastyrýy qajet. Keri jaǵdaida RF-dan ketýge mindetti. Mundai talapty Resei Federatsiiasy Ishki ister ministrligi qoiyp otyr.
QR SIM aqparatyna sáikes, Reseide zańsyz júrgen azamattar sanatyna kelesiler jatady:
- múldem tirkeýge turmaǵan;
- ýaqytsha tirkeýiniń, ýaqytsha bolý ruqsatynyń jáne turǵylyqty turýǵa ruqsatynyń ýaqyty ótip ketkender.
«Onymen bir mezgilde qazaqstandyqtar zańdy negizder bolǵan jaǵdaida (jumys, oqý jáne t.b.) Reseiden shyqpai, elde ýaqytsha bolý merzimderin uzartý úshin IIM organdaryna júginýge quqyly. Bul jaǵdaida azamattarǵa qatysty jaýapkershilikke tartý sharalary qoldanylmaidy», - dedi ministrlikten.
Al Reseide bolý merzimin zańdy túrde uzartqysy kelmegender jáne elden óz erkimen ketkisi kelmegender elden májbúrlep shyǵarylatyn bolady. Budan bólek, RF aýmaǵyna qaita kirýge shekteý qoiylýy múmkin.
