ەلدەگٸ تەرتٸپسٸزدٸكتەر تاساسىندا كٸم تۇر. بۇل ساۋالعا «حابار» تەلەارناسىنا سۇحبات بەرگەن مەملەكەت باسشىسى قاسىم-جومارت توقاەۆ جاۋاپ بەردٸ, دەپ حابارلايدى قازاقپارات.
«مۇنى تەرگەۋ كٶرسەتەدٸ. تەرگەۋ بارىسىنىڭ الدىن وراعىم كەلمەيدٸ. بۇل دۇرىس تا بولمايدى. جۇمىس تا ٶتە كٶپ. سودىرلاردىڭ كٶپشٸلٸگٸ, ونىڭ ٸشٸندە ولاردىڭ كومانديرلەرٸ الماتىدان كەتٸپ ٷلگەردٸ. بٸرەۋلەر اۋىلدىق جەرلەرگە سٸڭٸسٸپ كەتسە, ەندٸ بٸرٸ شەكارانى كەسٸپ ٶتتٸ. كٶرشٸ ەلدەرگە دە كەتٸپ قالعاندارى بار. ەندٸ بٸرەۋلەرٸ تٷرلەرٸن ٶزگەرتٸپ, جاسىرىنىپ جٷر. ولاردىڭ ساقالدارىن قىرىپ, سىرتقى تٷرلەرٸن ٶزگەرتكەنٸ, ازاماتتىق تۇلعاعا اينالعانى تۋرالى فاكتٸلەر دە بار. ەگەر ولاردى تۇتقىنعا السا, ولار «بٸز توسىننان ٶتٸپ بارا جاتقان ادامدارمىز» دەپ اتتان سالادى. بۇلاي بولمايدى. تالقاندالعان دٷنيە اۋقىمىن الماتىدان ٶزدەرٸڭٸز دە كٶردٸڭٸزدەر. ال سودان كەيٸن بەرٸ دە توسىننان ٶتٸپ بارا جاتقان ادام بولا قالدى», - دەپ اتاپ ٶتتٸ مەملەكەت باسشىسى.
قازاقستان پرەزيدەنتٸ «توسىننان زاڭسىز ۇستالعان ازاماتتاردىڭ» بار ەكەنٸن, ولارعا قاتىستى كٷش قولدانۋ ەرەكەتتەرٸ تىڭعىلىقتى تەرگەلەتٸنٸن ايتتى.
«ياعني, مۇنىڭ مەن-جايىن تىڭعىلىقتى تٷردە انىقتاۋ قاجەت», - دەدٸ قاسىم-جومارت توقاەۆ.
