كٶلٸكتەگٸ پوليتسييا قىمەتكەرلەرٸ «نەلەگال-2021» جەدەل-الدىن الۋ ٸس-شاراسىنىڭ اياسىندا قازاقستان اۋماعىندا بولۋ ەرەجەلەرٸن بۇزعانى ٷشٸن 107 شەتەلدٸكتٸ ەكٸمشٸلٸك جاۋاپكەرشٸلٸككە تارتقان, دەپ حابارلايدى "ۇلت اقپارات".
كٶلٸكتەگٸ پوليتسييا دەپارتامەنتٸ باستىعىنىڭ بٸرٸنشٸ ورىنباسارى قاليجان قوبلانديننٸڭ ايتۋىنشا, زاڭ بۇزعانداردىڭ 102-سٸ – تمد-نىڭ, بەسەۋٸ – الىس ەلدەردٸڭ ازاماتتارى.
«شارا كەزٸندە قىزىلوردا ستانساسىنداعى جەلٸلٸك پوليتسييا بٶلٸمٸنٸڭ قىزمەتكەرلەرٸ «اقتٶبە-الماتى» جولاۋشىلار پويىزىنان ٶزبەكستان رەسپۋبليكاسىنىڭ 31 جاستاعى ازاماتىن ۇستادٸ. ونىڭ ٷستٸنەن ەكٸمشٸلٸك قۇقىق بۇزۋ تۋرالى كودەكستٸڭ 517-بابىنىڭ 4-بٶلٸگٸ بويىنشا ەكٸمشٸلٸك حاتتاما تولتىردى. قىزىلوردا قالاسىنىڭ مامانداندىرىلعان ەكٸمشٸلٸك سوتىنىڭ شەشٸمٸمەن قۇقىق بۇزۋشىعا 25 اەك كٶلەمٸندە ايىپپۇل سالىندى. سونداي-اق, سوت قاۋلىسىمەن قازاقستان رەسپۋبليكاسىنان تىس جەرلەرگە 27 شەتەلدٸك شىعارىلدى», - دەيدٸ كٶلٸكتەگٸ پوليتسييا قىزمەتٸنٸڭ ٶكٸلٸ.
بۇدان بٶلەك قۇزىرلى ورگانعا شەتەلدٸكتەردٸڭ ەل اۋماعىنا ٶتكەنٸ تۋرالى 3 كٷن ٸشٸندە حابارلاماعانى ٷشٸن 22 قازاقستاندىق ەكٸمشٸلٸك جاۋاپكەرشٸلٸككە تارتىلعان.
قاليجان قوبلاندين 5-12 شٸلدە ارالىعىندا ٶتكەن شارا كەزٸندە كٶشٸ-قون زاڭناماسىن بۇزعانى ٷشٸن ۇستالعان تمد ەلدەرٸنٸڭ 3 ازاماتى ٶز ەلٸنٸڭ قابىلداۋ-تاراتۋ ورنىنا قامالعانىن ايتادى.
