نۇرسۇلتان نازارباەۆ «جاس سارباز» بالالار مەن جاسٶسپٸرٸمدەر ەسكەري-پاتريوتتىق قوزعالىسى» رەسپۋبليكالىق قوعامدىق بٸرلەستٸگٸنٸڭ تەربيەلەنۋشٸلەرٸمەن كەزدەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى ۇلتتىق ەسكەري-پاتريوتتىق ورتالىققا بارىپ, «وتان, ەلباسى, جاس سارباز» اتتى مەرەكەلٸك ٸس-شاراعا قاتىستى, سونداي-اق بالالار مەن جاسٶسپٸرٸمدەردٸڭ ەسكەري-پاتريوتتىق قوزعالىسىنىڭ تەربيەلەنۋشٸلەرٸمەن كەزدەستٸ.
ەلباسى ٸس-شارا باستالار الدىندا ەسكەري-پاتريوتتىق ورتالىقتىڭ مۋزەيٸندەگٸ ەكسپوزيتسييالارمەن تانىستى. وندا قازاقستان ارميياسىنا ارنالعان ەسكەري سۋرەتشٸلەر ستۋديياسىنىڭ تۋىندىلارى مەن «وربۇلاق شايقاسىنىڭ» ديوراماسى قويىلعان, سونىمەن قاتار 3D-mapping شوۋ تەحنولوگيياسىن قولدانۋ ارقىلى پروەكتسييالىق كٶرمە ۇيىمداستىرىلعان.
قازاقستان پرەزيدەنتٸ شاراعا قاتىسۋشىلاردىڭ بەرٸن ٶسكەلەڭ ۇرپاقتى وتانشىلدىققا تەربيەلەيتٸن «جاس سارباز» قوزعالىسىنىڭ قۇرىلۋىمەن قۇتتىقتادى. وسىعان وراي, مەملەكەت باسشىسى ۇلتتىق رۋحتى قالىپتاستىرىپ, ەل تاريحىن تەرەڭ زەرتتەۋدٸڭ ماڭىزدىلىعىن ايرىقشا اتاپ ٶتتٸ.
– جاقىندا جارييالانعان جولداۋداعى ماڭىزدى مەسەلەلەردٸڭ بٸرٸ – پاتريوتتىق تەربيە بەرۋ ٸسٸ. ەگەر بٸز وتانىمىزدى قورعاي الماساق, وندا تەۋەلسٸزدٸكتٸڭ 27 جىلى ٸشٸندە اتقارعان بارلىق جۇمىسىمىزدىڭ مەنٸ جوعالادى, – دەدٸ نۇرسۇلتان نازارباەۆ.
ەلباسى بٷگٸندە مەملەكەت تاراپىنان اتقارىلىپ جاتقان شارالاردىڭ بەرٸ كەلەر ۇرپاق ٷشٸن قولايلى جاعداي جاساۋعا باعىتتالعانىن ايتتى.
– وسىنىڭ بەرٸ جاستارىمىز – بٸزدٸڭ بولاشاعىمىز ٷشٸن اتقارۋدا. بۇل جۇمىستاردىڭ بەرٸ سٸزدەردٸڭ تۇرمىستارىڭىزدى قازٸرگٸدەن دە جاقسارتىپ, قازاقستانىمىزدى ودان ەرٸ بايىتا تٷسۋ ٷشٸن جاسالۋدا, – دەدٸ مەملەكەت باسشىسى.
نۇرسۇلتان نازارباەۆ ەلٸمٸزدٸڭ بارلىق جاستارىن «جاس سارباز» قوزعالىسىنا مٷشە بولۋعا شاقىردى.
– «جاس سارباز» قوزعالىسى ەلٸمٸزدٸڭ بارلىق ٶڭٸرٸندە قۇرىلۋعا تيٸس. جاستار وسى قوزعالىستىڭ قاتارىنان تابىلۋى قاجەت. سوندىقتان, دەنە شىنىقتىرۋمەن اينالىسىپ, ەسكەري ماماندىقتاردى يگەرگەن جٶن. بۇل ۇيىم قورعانىس مينيسترلٸگٸمەن بٸرلەسٸپ, پاتريوتتار تەربيەلەۋ ٸسٸنە بەلسەندٸ اتسالىسۋى كەرەك. سوندا عانا سٸزدەر حالىقتىڭ تٸرەگٸنە اينالاسىزدار, – دەدٸ قازاقستان پرەزيدەنتٸ.
مەملەكەت باسشىسى «ۇلى دالانىڭ جەتٸ قىرى» اتتى ماقالانىڭ قازاقستانداعى پاتريوتيزمدٸ كٷشەيتۋ ٸسٸندەگٸ ەرەكشە ماڭىزى تۋرالى ايتتى.
نۇرسۇلتان نازارباەۆ قازاقستان قوعامىنىڭ گٷلدەنۋٸ ٷشٸن تۇراقتىلىق پەن ۇلتارالىق كەلٸسٸمدٸ ساقتاۋدىڭ ماڭىزدىلىعىن اتاپ ٶتتٸ.
– ەلٸمٸزدە كٶپتەگەن ەتنوس ٶكٸلدەرٸ تۇرادى. بٸز بەرٸمٸز دە – قازاقستان ازاماتتارىمىز. باي تاريحىمىزدىڭ ارقاسىندا تٶزٸمدٸلٸك پەن قۇرمەت سەزٸمٸن بويىمىزعا سٸڭٸردٸك. بۇل قۇندىلىقتار قازاقستاندى بٸرٸكتٸرەدٸ, مەملەكەتتٸ قۋاتتى جەنە سىيلى مەملەكەتكە اينالدىرادى. سوندىقتان پاتريوت بولۋ – بارشامىزدىڭ پارىزىمىز, – دەدٸ قازاقستان پرەزيدەنتٸ.
سوڭىندا مەملەكەت باسشىسى ٸس-شاراعا قاتىسۋشىلارعا تابىس تٸلەپ, جاڭا جەتٸستٸكتەرگە جەتۋگە نيەتتەستٸك بٸلدٸردٸ.
.jpeg)