قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى كوروناۆيرۋس ٸندەتٸنەن قازا بولعانداردىڭ تۋىستارى مەن جاقىندارىنا كٶڭٸل ايتتى.
بۇل تۋرالى بٷگٸن ەلباسىنىڭ رەسمي سايتى حابارلادى.
«قۇرمەتتٸ قازاقستاندىقتار!
بٷگٸندە قازاقستان بۇرىن-سوڭدى بولماعان كٷردەلٸ احۋالمەن بەتپە-بەت كەلٸپ وتىر. قاۋٸپتٸ ٸندەت بٸزدٸڭ قالالارىمىز بەن اۋىلدارىمىزعا تاراپ, ٶكٸنٸشكە قاراي, ادام شىعىنى ورىن الىپ جاتىر.
مەملەكەت باسشىسىنىڭ شەشٸمٸمەن 13 شٸلدە كوروناۆيرۋس ٸندەتٸنەن قايتىس بولعان ازاماتتاردى ەسكە الۋ – ۇلتتىق ازا تۇتۋ كٷنٸ بولىپ جارييالاندى.
الاپات دەرت بٸزدٸڭ ادامدارىمىزدىڭ ٶمٸرٸن قيىپ ەكەتۋدە. بۇل بەرٸمٸزدٸڭ قابىرعامىزدى قايىستىرىپ وتىر. ەربٸر كٸسٸ ٶلٸمٸنٸڭ ارتىندا قارا جامىلعان بٸراز ادامنىڭ – ەكەلەر مەن انالاردىڭ, قىزدارىمىز بەن ۇلدارىمىزدىڭ, دوس-جاراندارىمىزدىڭ قايعى-قاسٸرەتٸ تۇر.
مەزگٸلسٸز قازا بولعانداردىڭ تۋعان-تۋىستارى مەن جاقىندارىنا قايعىلارىنا ورتاقتاسىپ, كٶڭٸل ايتامىن.
بٸز بەرەكە-بٸرلٸك پەن تۇتاستىقتىڭ ارقاسىندا تالاي سىناقتان سٷرٸنبەي ٶتتٸك. بۇل قيىندىقتى دا ەل بولىپ ەڭسەرەمٸز دەپ سەنەمٸن»,-دەلٸنگەن كٶڭٸل ايتۋ حابارلاماسىندا.
