قازاقستان اۋماعىنان بەنزيندٸ, ديزەل وتىنى مەن مۇناي ٶنٸمدەرٸنٸڭ جەكەلەگەن تٷرلەرٸن اۆتوموبيلمەن ەكەتۋگە سالىنعان 6 ايلىق تىيىم تاعى جارتى جىلعا ۇزارتىلۋى مٷمكٸن, دەپ حابارلايدى قازاقپارات.
بۇل تۋرالى ٷكٸمەت وتىرىسىندا ەنەرگەتيكا مينيسترٸ ماعزۇم مىرزاعاليەۆ مەلٸم ەتتٸ.
«بيىلعى 8 ايدىڭ قورىتىندىسى بويىنشا 8,3 ملن توننادان استام مۇناي ٶنٸمدەرٸ ٶندٸرٸلدٸ. بۇل كٶرسەتكٸش جوسپاردان اسىپ تۇر. ياعني, 102 پايىزعا تەڭ. اتاپ ايتساق, اتۆوبەنزين 4 پايىزعا ارتىق. ديزەل وتىنى وسى جىلعى جوسپاردىڭ 98 پايىزىنا تەڭ. ٸشكٸ نارىقتى ديزەل وتىنىمەن تۇراقتى قامتاماسىز ەتۋ ٷشٸن پاۆلودار مۇناي-حيمييا زاۋىتىنداعى جٶندەۋ جۇمىستارىنىڭ مەرزٸمٸن اۋىستىرۋ نەمەسە قىسقارتۋ مەسەلەسٸ قازٸر پىسىقتالۋدا. بۇعان قوسا بەنزيندٸ, ديزەل وتىنى مەن مۇناي ٶنٸمدەرٸنٸڭ جەكەلەگەن تٷرلەرٸن قازاقستان اۋماعىنان اۆتوموبيلمەن ەكەتۋگە 6 اي مەرزٸمگە تىيىم سالۋدى كٶزدەيتٸن بۇيرىقتى تاعى جارتى جىلعا سوزۋ مەسەلەسٸ پىسىقتالۋدا», - دەدٸ مينيستر.
سونداي-اق, ول گاز ەكسپورتىنىڭ تٶمەندەۋٸنە سەبەپ بولعان جايتتارعا توقتالدى.
«ەكٸ باستى سەبەپ بار. ول – ٸشكٸ قاجەتتٸلٸكتەردٸڭ ٶسۋٸ جەنە ٸرٸ جەر قويناۋىن پايدالانۋشىلار تاراپىنان ٶندٸرٸلگەن تاۋارلىق گاز كٶلەمٸنٸڭ ازايۋى», - دەدٸ ماعزۇم مىرزاعاليەۆ.
