قىتايمەن بٸرلەسكەن جوبالاردى ٸسكە اسىرۋ اياسىندا 20 مىڭعا جۋىق جاڭا جۇمىس ورىندارى قۇرىلاتىن بولادى, ونىڭ 95%-ىندا قازاقستاندىقتار جۇمىس ٸستەيدٸ. قالعان 5% - تٷرلٸ ەلدەردەن كەلگەن ماماندار, ونىڭ ٸشٸندە - كانادا, قىتاي ت.ب. ەلدەردەن كەلگەندەر. بۇل تۋرالى ٷكٸمەتتٸڭ باسپاسٶز ورتالىعىندا ٶتكەن باسپاسٶز كونفەرەنتسيياسىندا قر پرەمەر-مينيسترٸنٸڭ ورىنباسارى جەڭٸس قاسىمبەك ايتتى, دەپ حابارلايدى "ۇلت اقپارات".
ونىڭ ايتۋىنشا, ۇسىنىلعان ينۆەستيتسييالىق جوبالاردان باسىمدىق قازاقستاندىق قامتۋى جوعارى, قر ازاماتتارى ٷشٸن بارىنشا كٶپ جۇمىس ورىندارىن قۇرۋدى قامتاماسىز ەتەتٸن جوعارى تەحنولوگييالىق جوبالارعا بەرٸلەدٸ. ج. قاسىمبەك بٸرلەسكەن قازاقستاندىق-قىتايلىق جوبالار جاڭا جوبالار ەكەنٸن, الداعى 5-6 جىلدا بارلىعى ٸسكە اسىرىلاتىنىن جەتكٸزدٸ.
«وسى زاۋىتتار, جاڭا جوبالار قازاقستان اۋماعىنا كٶشٸرٸلەتٸن “تازا ەمەس”, ەسكٸ جوبالار دەگەن سيپاتتا ەڭگٸمەلەر ايتىلىپ جٷر. رەسمي تٷردە مەلٸمدەيمٸن: ەشقانداي ەسكٸ زاۋىت نەمەسە قازاقستان اۋماعىنا كٶشٸرٸلەتٸن زاۋىت جوق. بۇل جوبالاردىڭ بارلىعى - جاڭا جوبالار», — دەدٸ ج. قاسىمبەك.
ونىڭ ايتۋىنشا, جۋىردا عانا قاپشاعاي ماڭىندا بالامالى ەنەرگەتيكا ەلەكتر ستانتسيياسى اشىلدى (كٷن ەنەرگەتيكاسى), وندا 30 ادام جۇمىس ٸستەيدٸ, ولاردىڭ بارلىعى — قازاقستان ازاماتتارى.
«بۇل بالامالى ەنەرگەتيكا – اسا جاڭا جوبا. بٸز بٸرتٸندەپ وعان كٶشەتٸن بولامىز. قازاقستاندا جىل سوڭىنا دەيٸن جەل مەن كٷن ەسەبٸنەن 1000 مەگاۆاتت قۋات ٶندٸرٸلەتٸن بولادى. بۇل ەلەمدٸك بەتالىستان بٸز باس تارتا المايمىز. بارلىق اقپارات عالامتوردا, ييدم سايتىندا بار. بۇل جەردە ەشقانداي قۇپييا جوق. تاعى دا ايتا كەتكٸم كەلەدٸ, بۇل – جاڭا تەحنولوگييالار, بٸر ەلدٸڭ اۋماعىنان ەكٸنشٸ ەلدٸڭ اۋماعىنا كٶشٸرٸلەتٸن ەشقانداي “تازا ەمەس” نەمەسە ەسكٸ كەسٸپورىندار جوق. بارلىق جوبالار جاڭا. جالپى, بٸز وسى كەسٸپورىندار جۇمىسى اياسىندا 20 مىڭعا دەيٸن جاڭا جۇمىس ورىندارىن قۇرۋدى جوسپارلاپ وتىرمىز», — دەپ تٷسٸندٸردٸ قر پرەمەر-مينيسترٸنٸڭ ورىنباسارى.
ج. قاسىمبەكتٸڭ مەلٸمدەۋٸنشە, بٷگٸندە 15 قازاقستان – قىتاي جوباسى ٸسكە اسىرىلعان, جىل سوڭىنا دەيٸن تاعى 5 جوبا جٷزەگە اسىرىلماق.
«اتالعان جوبالاردىڭ ەلٸمٸزدە قولعا الىنعانىنا بٸرٸنشٸ جىل بولىپ تۇرعان جوق. بٷگٸندە 15 جوبا ٸسكە اسىرىلعان. 20-عا جۋىق جوبا بەلسەندٸ ٸسكە اسىرىلۋ ساتىسىندا تۇر. سوڭعى جىلدارى قىتايلىق ينۆەستيتسييالار ٷلەسٸ بٸر دەڭگەيدە ساقتالىپ تۇر – 5-6%. ەش ٶزگەرٸس بولمادى», — دەپ ول, جوبالار ماشينا جاساۋ, ٶنەركەسٸپ, كٶلٸك, اگروٶنەركەسٸپ كەشەنٸ, ەنەرگەتيكا سالالارىندا ٸسكە اسىرىلىپ جاتقانىن اتاپ ٶتتٸ.
بۇدان ٶزگە, ج. قاسىمبەك ەكولوگييالىق تالاپتارعا ساي كەلمەيتٸن بٸر دە بٸر زاۋىت قازاقستاندا سالىنبايتىنىن ايتتى.
