.jpeg)
بۇل تۋرالى پارلامەنت مەجٸلٸسٸنٸڭ تٶراعاسى ەرلان قوشانوۆپەن كەزدەسۋٸندە ەۋروپاداعى قاۋٸپسٸزدٸك جەنە ىنتىماقتاستىق ۇيىمىنىڭ قازٸرگٸ تٶراعاسى, پولشا رەسپۋبليكاسىنىڭ سىرتقى ٸستەر مينيسترٸ زبيگنەۆ راۋ مەلٸمدەدٸ, دەپ حابارلايدى "ۇلت اقپارات".
راۋ قازاقستان پرەزيدەنتٸ قاسىم-جومارت توقاەۆتىڭ كونستيتۋتسييالىق رەفورمالارىن ٸسكە اسىرۋ نەتيجەسٸندە پارلامەنتتٸڭ رٶلٸ كٷشەيەتٸنٸن اتاپ ٶتتٸ.
– قازاقستاندى اۋقىمدى ساياسي رەفورمالاردى جٷزەگە اسىرۋدا بٸزدٸڭ ۇيىم مەن ەقىۇ باعدارلامالار وفيسٸنٸڭ بارلىق رەسۋرسى پەن تەجٸريبەسٸن تولىق پايدالانۋعا شاقىرعىمىز كەلەدٸ, – دەدٸ ەقىۇ تٶراعاسى.
زبيگنەۆ راۋ قازاقستانعا ەقىۇ-نىڭ قايتا سايلانعان تٶراعاسى رەتٸندە ٶڭٸرمەن تانىسۋعا ارنالعان ساپارى اياسىندا ارنايى كەلدٸ. سونىمەن قاتار ونىڭ ٶزبەكستان مەن مونعوليياعا دا ساپارى جوسپارلانۋدا.
ەرلان قوشانوۆ ەقىۇ تٶراعاسىنىڭ ساپارى قازاقستان ٷشٸن ماڭىزدى ساياسي وقيعا – رەفەرەندۋم قارساڭىندا ٶتٸپ جاتقانىن اتاپ ٶتتٸ. مەجٸلٸس سپيكەرٸ مۇنى مەملەكەت باسشىسىنىڭ رەفورمالارى مەن جالپىحالىقتىق رەفەرەندۋمدى قولداۋىنىڭ دەلەلٸ دەپ سانايدى.
كەزدەسۋ بارىسىندا تاراپتار قازاقستان مەن ەقىۇ-نىڭ ٶزارا ٸس-ەرەكەتٸنٸڭ, قازاقستان-پولشا ەكٸجاقتى قاتىناستارىنىڭ, سونىڭ ٸشٸندە ەكٸ ەل پارلامەنتتەرٸ اراسىنداعى بايلانىستىڭ قازٸرگٸ جاعدايى مەن كەلەشەگٸن تالقىلادى.
راۋ ٶتكەن عاسىردىڭ 30 جىلدارىنداعى ساياسي قۋعىن-سٷرگٸن كەزٸندە قازاقستانعا جەر اۋدارىلعان ونداعان مىڭ پولياكتارعا قولداۋ كٶرسەتٸپ, پانا بولعانى ٷشٸن قازاق حالقىنا العىسىن ايتتى. سونداي-اق ول قازاقستاندا تۇراتىن ەتنيكالىق پولياكتاردىڭ تٶل مەدەنيەتٸ مەن تٸلٸن ٷيرەنۋٸنە بارلىق جاعداي جاسالعانى ٷشٸن ريزاشىلىعىن بٸلدٸردٸ.
كەزدەسۋ قورىتىندىسى بويىنشا تاراپتار بارلىق دەڭگەيدەگٸ ىنتىماقتاستىقتى ودان ەرٸ كەڭەيتۋ تۋرالى كەلٸستٸ.
