ەكسپو كٶرمەسٸنە كەلەتٸن تۋريستەر قىمبات قوناقٷي نٶمٸرلەرٸن برونداپ جاتىر.
بۇل رەتتە, ەلوردادا قولايلى باعادا پەتەرلەر مەن حوستەل نٶمٸرلەرٸن الۋعا بۇرىنعىشا مٷمكٸندٸك مول, دەپ حابارلادى استانا ەكٸمدٸگٸنٸڭ مەديا ورتالىعىنان.
«استانا كونۆەنش بيۋرو» جشس ديرەكتورىنىڭ ورىنباسارى اسقار ادامبەكوۆتىڭ ايتۋىنشا, مەيماندار تاراپىنان «بەس» نەمەسە «تٶرت جۇلدىزدى» قوناقٷيلەرگە سۇرانىس جوعارى, ال ارزانىراق باعاداعى قوناقٷي, حوستەل, جاتاقحانالاردا ورىن كٶپ.
«كٶرمەنٸڭ العاشقى كٷندەرٸ قوناقٷي جەلٸلەرٸ 100% تولدى. بەس نەمەسە تٶرت جۇلدىزدى قوناقٷيلەردە تٸپتٸ بوس ورىن قالمادى. ال باسقا نٶمٸرلەردە, ايتالىق, ٷش جۇلدىزدى قوناقٷيلەردە ورىن جەتكٸلٸكتٸ» - دەدٸ ا. ادامبەكوۆ.
ەلوردا ەكٸمدٸگٸ قازاقستاندىق تۇرعىن ٷي سەگمەنتٸندە (قوناقٷيلەر) باعالار شەتەلدٸكتەر ٷشٸن عانا ەمەس, ەلدٸڭ ەر ٶڭٸرٸنەن كەلەتٸن قوناقتارعا دا قولجەتٸمدٸ دەپ سانايدى. باعانىڭ تەز قۇبىلۋىنا جول بەرمەۋ ماقساتىندا قالا بيلٸگٸ جالعا بەرۋشٸلەردٸڭ ارنايى قاۋىمداستىعىن قۇردى.
«بٸز http://Torlet.com پلاتفورما-سايتىن قۇردىق. بۇل ۆەبسايت ارقىلى ونلاين تۇرعىدا تۇراتىن ورىندى تاڭداپ, برونداۋعا بولادى», - دەدٸ استانا قالاسى ەكٸمٸنٸڭ ورىنباسارى ماليكا بەكتۇروۆا مەديا ورتالىقتىڭ تٸلشٸسٸنە.
رەسمي مەلٸمەتتەرگە سٷيەنسەك, ەكسپو-نىڭ العاشقى كٷندەرٸ ەلورداعا 10 مىڭنان استام قوناق كەلگەن. ەلەمدٸك جۇلدىزداردىڭ كونتسەرتٸ ٶتەتٸن كٷندەرٸ مەن ٸرٸ شارالار كەزٸندە تۋريستەر جان-جاقتان اعىلادى دەپ كٷتٸلۋدە.
