ەلٸمٸزدە كوروناۆيرۋسقا قارسى ۆاكتسينا الۋعا قارسى ادامداردىڭ ٷلەسٸ ازايىپ كەلەدٸ. بۇل تۋرالى قر دەنساۋلىق مينيسترٸ الەكسەي تسوي مەلٸم ەتتٸ, دەپ حابارلايدى قازاقپارات اگەنتتٸگٸ.
«تاياۋدا «كوروناۆيرۋسقا قارسى ۆاكتسينا الۋدى مٸندەتتەمەڭٸزدەر» دەپ تالاپ قويعاندار بولدى. مەنٸڭ ايتارىم, قازاقستاندا ۆاكتسينا الۋ مٸندەتتٸ ەمەس, ەشكٸمدٸ مەجبٷرلەمەيدٸ. ەكپە العىڭىز كەلمەسە ەرٸك ٶزٸڭٸزدە, سٸزگە ەشكٸم قيناپ ۆاكتسينا سالمايدى. ال رەۆاكتسيناتسيياعا كەلسەك, ول قايتا ەكپە الىپ, يممۋنيتەتٸمدٸ كٷشەيتەمٸن دەۋشٸلەرگە ارنالىپ وتىر. بۇل ەڭگٸمە بالالار ۆاكتسيناسىنا دا قاتىستى. اتا-انانىڭ ٶز ەركٸندە», - دەدٸ تسوي ٷكٸمەت ٷيٸندە تٸلشٸلەردٸڭ سۇراعىنا جاۋاپ بەرە تۇرا.
ونىڭ ايتۋىنشا, مينيسترلٸك حالىقتى ۆاكتسينا الۋعا مەجبٸرلەمەيدٸ, دەگەنمەن تٷسٸندٸرۋ جۇمىسىن جٷرگٸزەدٸ.
«ەرينە, ۆاكتسينا الۋعا قاتىستى تٷسٸندٸرۋ جۇمىسى كەرەك. ونىڭ ٷستٸنە قازٸر قوعام بەلسەندٸ, بٸزدٸڭ كٶمەگٸمٸزسٸز دە بەلسەندٸلەر تٷسٸندٸرٸپ جاتادى. ال قۇزىرلى ورگان رەتٸندە رەسمي دەرەكتەردٸ جيناپ, حالىققا ۇسىنىپ, تٷسٸندٸرۋ – بٸزدٸڭ مٸندەتٸمٸز. تاعى بٸر بايقاعانىمىز سوڭعى ۋاقىتتا ۆاكتسينا الۋعا قارسى شىعۋشىلاردىڭ سانى ازايىپ كەلەدٸ. بۇرىن جيٸ تۇعىن. بۇل مەسەلە بويىنشا بٸزدە مونيتورينگ جاساپ, قاداعالاپ وتىرمىز. دەمەك قوعامنىڭ كٶزٸ جەتتٸ دەگەن سٶز. بٷگٸندە قازاقستاندىقتاردىڭ 70 پايىزدان استامى كوروناۆيرۋسقا قارسى ۆاكتسينا الدى. ەكپە الۋدى سىناعان قاۋىمنىڭ باسىم كٶپشٸلٸگٸ قازٸرگٸ كٷنٸ ۆاكتسينا العان», - دەيدٸ ول.
