قر اقپارات جەنە قوعامدىق دامۋ مينيسترلٸگٸ «ەكولوگييالىق بٸلٸم: قازاقستاندىق قوعامدا ەكولوگييالىق بٸلٸم بەرۋ, ەكولوگييالىق مەدەنيەتكە تەربيەلەۋ جەنە قالىپتاستىرۋ» تاقىرىبىندا دٶڭگەلەك ٷستەل ٶتكٸزدٸ, دەپ حابارلايدى قازاقپارات تٸلشٸسٸ.
«...ادام اۋرۋلارىنىڭ كٶپتەگەن تٷرلەرٸ قورشاعان ورتاداعى كەلەڭسٸز ٶزگەرٸستەرمەن تٸكەلەي نەمەسە جاناما تٷردە بايلانىستى ەكەنٸ انىقتالعان. بٸراق حالىقتىڭ ناۋقاستانۋىنىڭ ەكولوگييالىق فاكتورلارى مەن سەبەپ-سالدارىنا ەزٸرگە ەلٸمٸزدە جەتكٸلٸكتٸ دەڭگەيدە نازار اۋدارىلماي وتىر. ەكولوگييالىق ساۋاتسىزدىقتى جويۋ - حالىق اراسىندا جٷرگٸزٸلەتٸن ماڭىزدى مەسەلەگە اينالۋى تيٸس. تابيعات پەن قورشاعان ورتانى قورعاۋدىڭ جولدارىن ۇعىندىرۋ, جالپىحالىقتىق ەكولوگييالىق ساۋاتتى اشۋ, جاستارعا ٷزدٸكسٸز بٸلٸم بەرۋ نەتيجەسٸندە عانا شەشٸلەدٸ, - دەدٸ قر اقپارات جەنە قوعامدىق دامۋ مينيسترٸ ايدا بالاەۆا دٶڭگەلەك ٷستەلدٸڭ اشىلۋىندا.
مينيستر سوڭعى ۋاقىتتا ادامنىڭ تابيعاتقا قاتىستى جابايى ەرەكەتٸ كٶپتەپ بايقالعانىن, ونىڭ سوڭى اپاتقا ەكەپ سوعاتىنىن اتاپ ٶتتٸ.
«بۋرابايداعى تاۋ بولىپ ٷيٸلگەن قوقىس, قىزعىلت كٶلدٸڭ بالشىعى مەن تۇزىن قازىپ ەكەتۋ, الماتىداعى سيرەك كەزدەسەتٸن لوتوس گٷلدەرٸن جۇلۋ – قازاقستاندىقتاردىڭ نارازىلىعىن تۋدىرعان قىلىقتاردىڭ بٸر پاراسى عانا. سوندىقتان, بٷگٸن ٶزەكتٸ مەسەلەلەردٸ تالقىلاپ قانا قويماي, ەكولوگييالىق اعارتۋ, جاڭا بۋىندى, جاۋاپتى ادامداردى تەربيەلەۋ بويىنشا ەگجەي-تەگجەيلٸ ۇسىنىمداردى دا تىڭداعىمىز كەلەدٸ. قازاقستاننىڭ بٸرەگەي تابيعي بايلىعى جىل سايىن ادامداردىڭ ىقپالىمەن ازايىپ كەلەدٸ. ولاردىڭ كٶپشٸلٸگٸن قالپىنا كەلتٸرۋ مەن قايتارۋ مٷمكٸن ەمەس. سوندىقتان مەملەكەت ۇرپاقتار ٷشٸن تابيعي بايلىقتى ساقتاۋعا قاجەتتٸ بارلىق شارالاردى قابىلداۋعا مٸندەتتٸ. بٸراق بولاشاق ۇرپاقتى دا قورشاعان ورتاعا ۇقىپپەن قاراۋ دەستٷرٸ ٷزٸلمەيتٸندەي جەنە ۇرپاقتان-ۇرپاققا بەرٸلەتٸندەي ەتٸپ تەربيەلەۋ قاجەت», - دەدٸ ايدا بالاەۆا.
