ەكولوگييا, گەولوگييا جəنە تابيعي رەسۋرستار مينيسترلٸگٸنٸڭ باسپاسٶز حاتشىسى سامال يبراەۆا الماتىداعى بۋتاكوۆ شاتقالىندا اعاشتاردىڭ كەسٸلۋٸنە قاتىستى تٷسٸنٸك بەردٸ, دەپ حابارلايدى "ۇلت اقپارات".
«ماعان بٸرنەشە باق ٶكٸلٸ حابارلاسىپ, بۋتاكوۆ شاتقالىنداعى اعاشتاردىڭ كەسٸلۋٸنە قاتاستى جاعدايدى تٷسٸندٸرۋٸمدٸ سۇرادى. بۇل تاقىرىپ جىل بويى بٸرنەشە رەت كٶتەرٸلگەن. زاڭعا سəيكەس, مەملەكەتتٸك ۇلتتىق تابيعي ساياباقتاردا اعاش تەك ورمان قورعاۋ ٸس-شارالارىن جٷزەگە اسىرۋعا قاجەت سانيتارلىق ماقساتتا عانا كەسٸلەتٸنٸن ەسكە سالعىم كەلەدٸ. ول ۋəكٸلەتتٸ ورگاننىڭ رۇقساتىمەن مەملەكەتتٸك ەكولوگييالىق ساراپتامانىڭ وڭ تۇجىرىمى بويىنشا جٷرگٸزٸلەدٸ», - دەپ جازدى سامال يبراەۆا Facebook-تەگٸ پاراقشاسىندا.
باسپاسٶز حاتشىسىنىڭ جازۋىنشا, بۋتاكوۆ شاتقالىندا مەملەكەتتٸك ەكولوگييالىق ساراپتامانىڭ وڭ تۇجىرىمىمەن ورمان شارۋاشىلىعى جəنە جانۋارلار دٷنيەسٸ كوميتەتٸ تٶراعاسىنىڭ بۇيرىعى نەگٸزٸندە سانيتارلىق اعاش كەسۋ جۇمىسى جٷرگٸزٸلٸپ جاتىر. اتاپ ايتقاندا, شاتقالداعى اعاشتاردى كەسۋ شىرشالى سىلدىرشٶپ جəنە دٸڭ شٸرٸگٸمەن كٷرەس ماقساتىندا قاجەت.
«ورمان پاتولوگيياسىن تەكسەرۋدٸ 2015 جىلى «بوتانيكا ينستيتۋتى» رمم جəنە «ٶسٸمدٸك قورعاۋ جəنە كارانتين ينستيتۋتى» رمم جٷرگٸزگەن بولاتىن. مەملەكەتتٸك ەكولوگييالىق ساراپتاما الۋ كەزٸندە قوعامدىق تىڭداۋلار ٶتكٸزٸلٸپ, ول باق-تا جارييالاندى. ورمانشىلاردىڭ ايتۋىنشا, جاپپاي سانيتارلىق اعاش كەسۋ زييانكەستەرمەن كٷرەستە جəنە اعاش اۋرۋلارى ٶرشٸگەن كەزدە, ورمان ٶرتٸ نەمەسە ٶزگە دە تٷرلٸ قولايسىز تابيعات قۇبىلىستارى ورىن العان كەزدە بٷلٸنگەن توعايدى تازارتۋ ماقساتىندا جٷرگٸزٸلەدٸ. ول ورمان القابىن تازارتىپ, ورمان ٶسٸمدٸكتەرٸن ەگۋگە نەمەسە ونىڭ تابيعي جولمەن جاڭارۋىنا قولايلى جاعداي تۋعىزۋعا باعىتتالعان», - دەيدٸ سامال يبراەۆا.
ەسكە سالا كەتسەك, جىل باسىندا الماتىداعى بۋتاكوۆ شاتقالىندا 8 گەكتار اۋماقتىڭ اعاشى كەسٸلەتٸنٸ حابارلانعان بولاتىن.
