قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ماڭعىستاۋ وبلىسىنداعى قۋاڭشىلىق مەسەلەسٸ جٶنٸندە پٸكٸر بٸلدٸردٸ, دەپ حابارلايدى قازاقپارات.
«جالپى, قازٸر كليماتتىق ٶزگەرٸستەر بايقالۋدا. ونى بەرٸمٸز كٶرٸپ تە جٷرمٸز. نەگٸزٸ ەلٸمٸزدٸڭ سۋ بالانسىن قاراساق, 90-10 تەكشە كيلومەتردٸ قۇرايدى, سونىڭ 50 پايىزعا جۋىعى سىرتتان كەلەدٸ. ورتالىق ازييا بار, رەسەي بار, قىتاي بار. سوندىقتان بٸز سىرتتاعى كٶرشٸلەرٸمٸزگە تەۋەلدٸمٸز. جالپى ماڭعىستاۋ وبلىسىنىڭ سۋ تاپشىلىعى بۇرىننان بار, جاسىرىن ەمەس, شٶلەيت دالا. سوندىقتان ونداي جاعدايلار بايقالادى», - دەدٸ م. مىرزاعاليەۆ «كەرۋەن» ساۋدا ورتالىعىندا بٶتەلكەلەردٸ قايتا ٶڭدەۋگە قابىلدايتىن «Fandobox ecoplatform» اۆتوماتىنىڭ تانىستىرىلىمىندا.
ونىڭ ايتۋىنشا, قازٸرگٸ ۋاقىتتا ەكولوگتەر وسىنداي مەسەلەلەردٸ زەرتتەپ جاتىر.
«جالپى, سۋدىڭ ىقتيمال جەتٸسپەۋشٸلٸگٸ مەسەلەلەرٸ, ەرينە, تۋىنداپ جاتتى. بٸز جاساي الاتىن ەڭ ماڭىزدى نەرسە – سۋدى تۇتىنۋدى ازايتۋ بويىنشا جۇمىس ٸستەۋ. ٶيتكەنٸ كليماتتىق ٶزگەرٸستەر جٷرٸپ جاتىر, ولاردى توقتاتۋ مٷمكٸن ەمەس. جاي عانا ولاردىڭ تەرٸس ەسەرٸن ازايتۋعا بولادى», - دەيدٸ ەكولوگييا مينيسترٸ.
ايتا كەتەيٸك, سوڭعى جىلدارى ماڭعىستاۋ وبلىسىندا قۇرعاقشىلىق كٷشەيٸپ, بۇل شارۋا قوجالىقتارىنا قاتتى ەسەر ەتٸپ جاتىر. جاۋىن-شاشىنىڭ بولماۋى, تاسىمالداناتىن ازىقتىڭ جەتٸسپەۋٸ, ايماقتاعى اپتاپ ىستىق مالعا كٷتٸم جاساۋعا كەرٸ ەسەرٸن تيگٸزٸپ وتىر.
