سولتٷستٸك قازاقستان وبلىسىنا كەلگەن ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ پەتروپاۆلداعى جاقىندا اپات بولعان جىلۋ-ەلەكتر ورتالىعىنا باردى, دەپ حابارلايدى قازاقپارات.
ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ ٶڭٸردەگٸ بٸرقاتار نىساندى ارالاپ, تٷستەن كەيٸن «سقو-نىڭ ەكولوگييالىق مەسەلەلەرٸ جەنە ونى شەشۋ جولدارى» تاقىرىبىنداعى جيىنعا قاتىسپاق.
مينيستر بارعان بٸرٸنشٸ نىسان - جاقىندا عانا اپات بولعان پەتروپاۆلداعى جىلۋ-ەلەكتر ورتالىعى بولدى.
«ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ جەنە ٶز اتىمنان قازا تاپقان ەيەلدٸڭ وتباسىنا, تۋعان-تۋىستارىنا قايعىرىپ كٶڭٸل ايتامىن. اۋىر قاسٸرەت. جىلۋ-ەلەكتر ورتالىعىنىڭ جۇمىسشىلارىنا بار جاقسىلىقتى جەنە جەمٸستٸ ەڭبەك تٸلەيمٸن», - دەدٸ سەرٸكقالي برەكەشوۆ.
ەكولوگييا مينيسترٸنٸڭ ايتۋىنشا, پەتروپاۆلداعى جىلۋ-ەلەكتر ورتالىعى ٶڭٸردەگٸ اۋانى ەڭ كٶپ لاستايتىن كەسٸپورىنداردىڭ بٸرٸ.
اتموسفەراعا تارالاتىن بارلىق زالالدى شىعارىندىلاردىڭ 70 %-ى وسى ورتالىققا تيەسٸلٸ.
«بىلتىر 40 مىڭ تونناعا جۋىق, بيىل 25 مىڭ توننا اۋاعا زيياندى زاتتار تاراعان. جىلۋ ورتالىعىندا كٷل ٷيٸندٸسٸنە قاتىستى دا مەسەلە بار. باس ديرەكتوردىڭ ايتۋىنشا, كەسٸپورىننان جىلىنا 1 ملن توننادان استام كٷل شىعادى. بۇل دا شەشٸمٸن تابۋى تيٸس ٷلكەن مەسەلە.
قازٸرگٸ ۋاقىتتا كەسٸپورىن كٷلدٸ جاي عانا تٶگٸپ, ٷيٸپ جاتىر. قازٸرگٸ ۋاقىتتا بۇل قالدىقتى تيٸمدٸ پايدالانۋدىڭ بٸرنەشە جولى بار. ونى جولدى سالعاندا قولدانۋعا بولادى, وڭ نەتيجەسٸ بار. بۇل قاراعاندى وبلىسىندا قولدانىلىپ جاتىر. سونداي-اق تسەمەنت ٶندٸرٸسٸندە دە پايدالانۋعا بولادى. بۇل تەحنولوگييالار جاڭا ەمەس, بۇرىننان بار, تەك كەسٸپورىنعا ونى قولعا الۋ قاجەت», - دەيدٸ سەرٸكقالي برەكەشوۆ.
جىلۋ-ەلەكتر ورتالىعىندا مينيسترگە كاربون شىعارىندىسى تۋرالى, مونيتورينگ جٷرگٸزۋدٸڭ اۆتوماتتاندىرىلعان جٷيەسٸن جەنە ەكولوگييالىق كودەكستە بار وزىق قولجەتٸمدٸ تەحنولوگييانى ەنگٸزۋ بويىنشا سۇراقتار قويىلدى.
«بۇل مەسەلەلەردٸ الدا بٸرلەسە قاراۋعا كەلٸستٸك, ورتاق بٸر شەشٸمگە كەلەمٸز دەپ ويلايمىن. ٷزدٸك قولجەتٸمدٸ تەحنولوگييالاردى ەنگٸزۋ ارقىلى اۋانى لاستايتىن زاتتاردىڭ شىعارىندىسىن ازايتۋعا بولادى. ەكولوگييالىق كودەكسكە سەيكەس, كومپانييا 10 جىل مەرزٸمگە كەشەندٸ ەكولوگييالىق رۇقسات الىپ, ەميسسييا تٶلەۋدەن بوساتىلادى. بٸراق بٸز ولاردى تەكسەرە الامىز, ەگەر كومپانييا ٶز مٸندەتتەرٸن ورىنداماسا, ايىپپۇل سالىنادى», - دەدٸ ەكولوگييا مينيسترٸ.
مامانداردىڭ ايتۋىنشا, قازٸرگٸ ۋاقىتتا اپات بولعان كەسٸپورىننان ەكولوگيياعا كەلەر قاۋٸپ جوق. تٷتٸن مۇرجاسى قۇلاعاننان كەيٸن ەكولوگييا دەپارتامەنتٸ سانيتارلىق-قورعانىش ايماعىندا مونيتورينگ جٷرگٸزدٸ. اۋانى لاستايتىن زاتتاردىڭ نورمادان جوعارى شىعارىندىسى بولعان جوق. قازٸر دە ماماندار باقىلاۋدا ۇستاپ وتىر. بۇدان باسقا «قازگيدرومەت» كٷندەلٸكتٸ مونيتورينگ جٷرگٸزەدٸ.
