فوتو: رٷستەم سىزدىقوۆ /lifepvl.kz
ەكٸباستۇزدا رادياتورى جارىلعان ٷيدە ەرلٸ-زايىپتى قازا بولعاننان كەيٸن كٶرشٸلەرٸ جىلۋمەن قامتاماسىز ەتەتٸن كومپانييانى "ەرەكەتسٸزدٸگٸ ٷشٸن" كٸنەلادى. كومپانييا ايىپتى جوققا شىعارادى, دەپ حابارلايدى ازاتتىق راديوسى.
63 جاستاعى الەكساندر سەرگەەنكو مەن ونىڭ ەيەلٸ 57 جاستاعى اننا وسى اپتادا ٶزدەرٸ تۇرىپ جاتقان جەكە ٷيدە ٶلٸ كٷيدە تابىلعان. كٶرشٸلەرٸ ازاتىققا ٶتكەن ايدا ەرلٸ-زايىپتىنىڭ ورتالىق جىلۋ جٷيەسٸنە قوسىلعان باتارەيالارىنان سۋ اققانىن, ولار "ەكٸباستۇزجىلۋەنەرگييا" كومپانيياسىنىڭ اپات قىزمەتٸنە حابارلاسسا دا, مەسەلە سول كٷيٸ شەشٸلمەگەنٸن ايتتى.
"انيا سەرگەەنكو "سۇلتان, ٷيدە سۋ اعىپ جاتىر" دەپ كەلدٸ. كٶرشٸمٸز عوي دەپ كٶمەكتەسكٸم كەلدٸ, سەبەبٸ كٷيەۋٸ – بٸرٸنشٸ توپ مٷگەدەگٸ. كٶزٸ ناشار كٶرەدٸ. قاراپ كٶردٸم. باتارەيالار تٷيٸسكەن جەردەن سۋ اعىپ جاتىر ەكەن. جٶندەۋ ٷشٸن ەۋەلٸ كٶشەدەن سۋدى جابۋ كەرەك بولدى. بٸز وعان ٶز بەتٸمٸزشە تيٸسە المايمىز" - دەيدٸ سەرگەەنكولاردىڭ ٷيٸنە قاراما-قارسى تۇرعان دٷكەن يەسٸ سۇلتان ماساديلوۆ.
ونىڭ سٶزٸنشە, ول ستاتسيونارلىق نە موبيلدٸ تەلەفونى جوق اننا سەرگەەنكوعا جىلۋ ەلەكتر ورتالىعىنىڭ اپات قىزمەتٸنە حابارلاسۋعا كەڭەس بەرگەن. ال ول جاقتا ەيەلدەن كەڭسەگە حابارلاسۋدى ٶتٸنگەن.
مارقۇمداردىڭ تاعى بٸر كٶرشٸسٸ نيكولاي ارتيۋحوۆ سەرگەەنكونى كەڭسەگە اپارعانىن, ول جاقتا وعان "ەرتەسٸندە بارامىز" دەپ ۋەدە بەرگەنٸن, بٸراق سول كٷيٸ ەشكٸم كەلمەگەنٸن ايتتى.
ماساديلوۆتٸڭ ايتۋىنشا, الەكساندر سەرگەەنكو "ەكٸباستۇزجىلۋەنەرگييا" كومپانيياسىنا بٸرنەشە رەت حابارلاسىپ, كٶمەك سۇراعان.
"بٸز حابارلاستىق, ولار تاعى ۋەدە بەردٸ, بٸراق كەلگەن جوق. سوسىن تاعى حابارلاستىم. ولار قىسىم تٶمەن بولعاندىقتان, ىستىق سۋدى توقتاتا المايتىنىن, ەگەر توقتاتسا, بارلىق باتارەيا سۋىپ كەتەتٸنٸن ايتتى. "ەندٸ ولار نە ٸستەۋٸ كەرەك, ٷيدەن ىستىق سۋ اعا بەرە مە?" دەپ سۇرادىم. ولار رۇقسات بەرگەن سوڭ جٶندەپ بەرەتٸنٸن ايتتى. وسىلايشا ٷش رەت حابارلاستىم, سول كٷيٸ كەلگەن جوق" دەدٸ سۇلتان ماساديلوۆ.
كٶرشٸلەرٸنٸڭ ايتۋىنشا, الەكساندر مەن اننا سەرگەەنكولاردىڭ ٷيٸن سۋ باسىپ جاتقانىن 13 اقپاندا ٶزٸن تۇرعىن ٷي-كوممۋنالدىق شارۋاشىلىق قىزمەتكەرٸمٸن دەپ تانىستىرعان ەر ادام كٶرٸپ, پوليتسيياعا حابارلاسقان.
پوليتسييا قىزمەتكەرلەرٸنٸڭ ايتۋىنشا, قۇتقارۋشىلار مەن كوممۋنالدىق قىزمەت جۇمىسشىلارى وقيعا ورنىنا بارعان كەزدە 1959 جىلى تۋعان ەر ادام مەن 1965 جىلى تۋعان ەيەل ادام ٶلٸ كٷيدە تابىلعان. ماماندار زالدا سىمدارى بٷلٸنگەن ەلەكتر جىلىتقىش تۇرعانىن كٶرگەن.
ەرتەسٸندە جٷرگٸزٸلگەن سوت-مەديتسينا زەرتتەۋٸنٸڭ الدىن الا نەتيجەسٸ ەكٸ ادام "توك سوققاننان ٶلگەنٸن" كٶرسەتكەن.
"ەكٸباستۇزجىلۋەنەرگييا" كومپانيياسىنىڭ رەسمي جاۋابىندا ەرلٸ-زايىپتىلار "مەكەمەگە بٸر رەت قانا حابارلاسقانى" جازىلعان. مەكەمە ٶكٸلدەرٸنٸڭ ايتۋىنشا, 31 قاڭتاردا ەرلٸ-زايىپتى باتارەيانى جٶندەتۋ ٷشٸن جىلۋ جٷيەسٸن ٶشٸرۋ تۋرالى ٶتٸنٸش بەرگەن. ەرتەسٸندە ماماندار مەكەنجايعا بارعان كەزدە ىستىق سۋدى ٶشٸرە الماعان, سەبەبٸ "ورناتىلۋى كەرەك ارماتۋرا تيٸستٸ ستاندارتقا سەيكەس كەلمەگەن". مەكەمە ٶكٸلدەرٸ "سەرگەەنكولار جىلۋ جەلٸسٸنە قايتا حابارلاسپاعاننان كەيٸن ماماندار اتالعان مەكەنجايعا بارعان جوق" دەپ جازعان.
ەرلٸ-زايىپتىنى 15 اقپاندا الەكساندر سەرگەەنكونىڭ ۇلى جەرلەگەن. ول جۋرناليستەردٸڭ سۇراقتارىنا جاۋاپ بەرۋدەن باس تارتتى.
بىلتىر جىلدىڭ اياعىندا ەكٸباستۇز جىلۋ ەلەكتر ورتالىعىندا ٸرٸ اپات بولىپ, جٷزدەگەن ٷي قاقاعان سۋىقتا جىلۋسىز قالدى. اۋا تەمپەراتۋراسى 30 گرادۋسقا دەيٸن تٶمەندەدٸ. قالادا تٶتەنشە جاعداي جارييالاندى. سودان بەرٸ كٶپقاباتتى تۇرعىن ٷيلەر مەن جەكە ٷيلەرگە شەكتەلگەن پارامەترمەن جىلۋ بەرٸلٸپ جاتىر.
اپاتتان كەيٸن قازاقستان بيلٸگٸ ەلدەگٸ جىلۋ جٷيەلەرٸنٸڭ 70-90 پايىزعا جۋىعى توزعانىن مەلٸمدەگەن.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
