سۋرەت: egemen.kz
ەكٸباستۇز قالاسىندا كٷيەۋٸن پىشاقتاپ ٶلتٸرگەن دەرٸگەر ەيەل 5 جىلعا باس بوستاندىعىنان ايىرىلدى. بٸراق القابيلەر جازانى ٶتەۋ مەرزٸمٸن كەيٸنگە شەگەرۋگە شەشٸم قابىلدادى, دەپ حابارلايدى Sputnik قازاقستان.
جازانى نەگە شەگەردٸ?
سوتتا دەرٸگەر ەيەل قاجەتتٸ قورعانۋ شەگٸندە ەرەكەت ەتكەنٸن العا تارتىپ, ٶزٸن اقتاۋدى سۇرادى. بٸراق القابيدٸڭ ونىڭ قىلمىستىق كودەكستٸڭ 106-بابى, 3-بٶلٸگٸ (دەنساۋلىققا قاساقانا اۋىر زييان كەلتٸرۋ, ابايسىزدا جەبٸرلەنۋشٸنٸڭ ٶلٸمٸنە ەكەپ سوققان ەرەكەت) بويىنشا كٸنەلٸ دەپ تانىدى.
جازا تاعايىنداۋ كەزٸندە سوتتالۋشىنىڭ العاش رەت قىلمىستىق جازاعا تارتىلىپ وتىرعانى جەنە وڭ مٸنەزدەمەسٸ ەسكەرٸلدٸ. قولىندا سەبيٸ دە بار. بۇدان بٶلەك, قايتىس بولعان كٷيەۋٸنٸڭ مٸنەز-قۇلقى نازارعا الىندى. ول الكوگولدٸك ماساڭ كٷيدە جٷكتٸ ەيەلٸن بٸرنەشە رەت ۇرعان.
"جوعارىدا ايتىلعانداردى ەسكەرە وتىرىپ, جازا تاعايىنداۋ كەزٸندە قك-نٸڭ 55-بابىنىڭ 4-بٶلٸگٸ قولدانىلىپ, ا.-عا 5 جىلعا باس بوستاندىعىنان ايىرۋ جازاسى تاعايىندالدى", - دەلٸنگەن رەسمي حابارلامادا.
سوتتالعان ەيەل 2023 جىلى تۋعان بالاسىن تەربيەلەپ وتىر. وسىعان بايلانىستى ٷكٸمدٸ ورىنداۋ 5 جىلعا كەيٸنگە شەگەرٸلدٸ.
وقيعانىڭ مەن-جايى
تەرگەۋ ماتەريالدارىنا سەيكەس, 2023 جىلى 8 مامىردا ساعات 04:55 شاماسىندا ەكٸباستۇز قالاسىنداعى 25 بٶبەكجايدىڭ كٸرە بەرٸسٸندە ەر ادام جٷكتٸلٸكتٸڭ سوڭعى كەزەڭٸندە جٷرگەن ەيەلٸن مويىنىنان جەنە قولىنان ۇرعان. وسىدان كەيٸن ەيەل كەتٸپ بارا جاتقان كٷيەۋٸنٸڭ ارقاسىنا پىشاق سۇققان. ەر ادامنىڭ سول جاق ٶكپەسٸنٸڭ جوعارعى بٶلٸگٸ زاقىمدانعان. ول العان جاراقاتىنان قايتىس بولدى.
باس كەزٸندە ەكٸباستۇز قالالىق پوليتسييا باسقارماسى قىلمىستىق كودەكستٸڭ 99-بابى, 1-بٶلٸگٸ (ادام ٶلتٸرۋ) بويىنشا تەرگەۋدٸ باستاعان. سول كەزدە جاۋاپقا تارتىلعان دەرٸگەر ەيەل پرەزيدەنتكە بەينەٷندەۋ جولداپ, تۇرمىستىق زورلىق-زومبىلىقتىڭ قۇربانى بولعانىن مەلٸمدەدٸ. ونىڭ ايتۋىنشا, قايتىس بولعان كٷيەۋٸمەن 4,5 اي بويى نەكەدە تۇرعان. وسى ۋاقىتتىڭ ٸشٸندە ەر ادام ونى تالاي رەت ۇرعان. پوليتسيياعا دا حابار بەرٸلگەن. بٸراق ٷيٸنە قايتىپ كەلگەن كٷيەۋٸ العان بەتٸنەن قايتپاعان.
"تۋرا سونداي بٸر وقيعادان كەيٸن ول پىشاق الا جٷگٸردٸ. مەن پىشاقتى الىپ قويدىم دا, قاشا جٶنەلدٸم. بٸراق ول تاعى ماعان جۇدىرىق جۇمسادى. سول كەزدە مەن قورىققانىمنان اففەكت جاعدايىندا پىشاقپەن بٸر ۇردىم. ٶكٸنٸشكە قاراي, ول قايتىس بولدى", - دەيدٸ ەيەل.
سوتتا القابيلەر ادام ٶلتٸرۋ بابىن ابايسىزدا جەبٸرلەنۋشٸنٸڭ ٶلٸمٸنە ەكەپ سوققان دەنساۋلىققا قاساقانا اۋىر زييان كەلتٸرۋ ەرەكەتٸنە اۋىستىردى.
ٷكٸم زاڭدى كٷشٸنە ەنگەن جوق.
