ارقا بۇلشىقەت اتروفيياسى دەرتٸنە شالدىققان باتىس قازاقستان وبلىسى اقساي قالاسىنىڭ ەكٸ جاسار تۇرعىنى ەمير شاحماروۆقا ەلەمدەگٸ ەڭ قىمبات سانالاتىن «زولگەنسما» دەرٸسٸ ەگٸلدٸ. مۇنى بالانىڭ اناسى سابينا دەۋلەتقاليەۆا حابارلادى.
بۇعان دەيٸن ەلدەگٸ بارلىق اقپارات قۇرالى باتىس قازاقستان وبلىسى تۇرعىندارىنىڭ بٷلدٸرشٸن ەمٸنە اقشا جيناي باستاعانى تۋرالى حابارلاپ جٷرگەن ەدٸ. نەتيجەسٸندە ٷش اي ٸشٸندە ەميرگە قاجەت 2,3 ميللون دوللار (ميلليارد تەڭگەگە جۋىق) قارجى جينالدى.
بالا ٷشٸن ٶمٸرلٸك ماڭىزى بار, قازاقستاندا تٸركەلمەگەن بۇل دەرٸنٸ وعان مەسكەۋدٸڭ بالا دەنساۋلىعى عىلىمي ورتالىعىندا سالدى.
— وسىدان ەكٸ ساعات بۇرىن عانا دەرٸ ەكتٸ. بٸر ساعاتتاي ينفۋزييا جاسادى. ەمير بۇل ۋاقىتتا ۇيىقتاپ جاتتى, ەش مازاسىزدانبادى. بٸز جانساقتاۋ پالاتاسىندا وتىردىق, ەكٸ دەرٸگەر, مەدبيكەلەر جەنە رەانيماتولوگ قاسىمىزدا بولدى, — دەدٸ سابينا دەۋلەتقاليەۆا 4 ماۋسىمدا ازاتتىققا سۇحباتىندا.
ەندٸ ەمير بٸرنەشە تەكسەرۋدەن ٶتٸپ, اناليز تاپسىرۋى كەرەك. اناسىنىڭ ايتۋىنشا, بالا وسى عىلىمي ورتالىقتا دەرٸگەرلەر باقىلاۋىندا بولادى. اۋرۋحانادان قاشان شىعاتىنى بەلگٸسٸز.
«زولگەنسما» — ارقا بۇلشىقەت اتروفيياسى دەرتٸمەن كٷرەسۋ ٷشٸن ەلەمدە ويلاپ تابىلعان ٷش پرەپاراتتىڭ بٸرٸ. ول ەكٸ جاسقا دەيٸنگٸ بالاعا سالىنعاندا جاقسى نەتيجە كٶرسەتٸپ جٷر. ەمير مامىر ايىندا ەكٸگە تولدى.
ارقا بۇلشىقەت اتروفيياسى — گەنەتيكالىق اۋرۋ, ونىڭ كەسٸرٸنەن ادامنىڭ بارلىق بۇلشىقەتٸ سەمٸپ, سالدارىنان ناۋقاس ٶلٸپ كەتۋٸ مٷمكٸن. بۇل دەرتتەن ەمدەيتٸن پرەپاراتتىڭ بٸردە-بٸرٸ قازاقستاندا ەلٸ رەسمي تٸركەۋدەن ٶتپەگەن. دەنساۋلىق ساقتاۋ مينيسترلٸگٸ ەلدە ونىمەن قانشا ادام اۋىراتىنىن ناقتى ايتپايدى.
