قر دەنساۋلىق ساقتاۋ ۆيتسە-مينيسترٸ الەكسەي تسوي ەلٸمٸزدەگٸ دەرٸ-دەرمەكتەردٸڭ باعاسىن رەتتەۋ ٷشٸن قانداي مەحانيزمدەر ٸسكە قوسىلاتىندىعى تۋرالى ايتتى, دەپ حابارلايدى قازاقپارات تٸلشٸسٸ.
«بٷگٸن بٸز دەرٸ-دەرمەكتەردٸڭ باعاسىن رەتتەۋ سىزباسىن تانىستىردىق. بۇرىن كەپٸلدەندٸرٸلگەن مٶلشەر اياسىندا عانا, ياعني مەملەكەتتٸك ساتىپ الۋ ارقىلى باعانى رەتتەپ وتىرساق, كٶتەرمە سەگمەنتتە باعانى رەتتەيتٸندەي قۇزٸرەتٸمٸز بولماعان ەدٸ. ٶزدەرٸڭٸز بٸلەتٸندەي, مەملەكەت باسشىسى كٶتەرمە سەگمەنتتە باعانى رەتتەۋدٸ جٷكتەگەن. بٸز باعانى رەتتەۋدٸڭ مودەلٸن ەزٸرلەدٸك», - دەيدٸ الەكسەي تسوي «سك فارماتسييا» جشس-دا ٶتكەن دٶڭگەلەك ٷستەل بارىسىندا.
ونىڭ ايتۋىنشا, دەرٸ-دەرمەكتٸ تاسىمالداۋشىلاردىڭ كٶبٸ قىمبات باعامەن ساتىپ جاتقان جوق. دەگەنمەن, ساۋدانىڭ كەيبٸر سۋبەكتتەرٸ ۇياتتى ىسىرىپ قويىپ, باعانى بٸرنەشە ەسەگە كٶبەيتە ساتىپ جاتقان كٶرٸنەدٸ.
«شامامەن تاسىمالداۋشىلاردىڭ 70 پايىزى - جاۋاپتى ەرٸ ەدٸل دەسە بولادى. كٶپ جاعدايدا ولار دۇرىس جۇمىس جٷرگٸزٸپ, باعانى كٶتەرمەيدٸ. بٸراق, نارىقتىڭ «تەنتەكتەرٸ» دە بار. مٸنە, بٸز ەزٸرلەپ جاتقان ەرەجەلەر سولاردى تىيۋدى كٶزدەيدٸ. باعالاردىڭ اسىرۋعا بولمايتىن بەلگٸلٸ بٸر مٶلشەرٸ بەلگٸلەنەدٸ. وسىلايشا, دەرٸ-دەرمەكتەردٸڭ باعاسىن 2-3 ەسەگە دەيٸن قىمباتتاتۋ جاعدايلارى تىيىلادى. مەسەلەن, دەرٸحانالارداعى باعالاردىڭ الا-قۇلالىعىن ٶزٸڭٸز دە كٶرە الاسىز. بٸزدٸڭ مٸندەت - باعالاردىڭ اۋىتقۋى بەلگٸلٸ بٸر بەكٸتٸلگەن دەلٸز ٸشٸندە بولعانىن قامتۋ», - دەيدٸ الەكسەي تسوي.
ۆيتسە-مينيستر بۇل تەرتٸپتٸڭ كەلەسٸ جىلدىڭ 1 قاڭتارىنان باستاپ ەنگٸزۋ كٶزدەلٸپ وتىرعانىن اتاپ ٶتتٸ.
«تۇرعىدار باعا ايىرماشىلىعىن ەشقاي جەردە سالىستىرا المايدى - باعالاردىڭ رەەسترٸ جوق. الداعى ۋاقىتتا ەربٸر ادام دەرٸ-دەرمەكتٸڭ باعاسىن بٸلٸپ وتىراتىن سايت جۇمىس ٸستەيتٸن بولادى. ساۋداداعى اتاۋى بويىنشا باعانى ٶزٸڭٸز تەكسەرٸپ وتىراسىز», - دەيدٸ ۆيتسە-مينيستر.
ايتا كەتسەك, قازاقستاندا دەرٸ-دەرمەك باعالارىنىڭ الا-قۇلالىعىن رەتتەيتٸن زاڭ جوباسى ەزٸرلەنٸپ جاتقانىن بۇدان بۇرىن «سك-فارماتسييا» جشس باسقارما تٶراعاسىنىڭ مٸندەتٸن اتقارۋشى بەرٸك شەرٸپ تە ايتقان بولاتىن.
