ٶمٸردە نە بولمايدى دەيسٸز. ەرتٷرلٸ ادام سەنگٸسٸز وقيعالار ورىن الىپ جاتادى. تاعدىردىڭ تارامىس جولدارى تالاي جانداردى تەپكٸگە سالادى. ٶمٸردە بولعان بٸر وقيعا بايانداپ بەرەيٸن. ەڭگٸمە گازەت بەتٸندە جارييالانعان…
ەجەمنٸڭ اۋىلىندا, بٸر وتباسىندا اناسى مەن بالاسى تۇرىپتى. جٸگٸتتٸڭ ٶزگەلەردەن ەرەكشەلٸگٸ, بٸرٸنشٸدەن گارموندارى كەرەمەت وينايدى, ەكٸنشٸدەن لەتارگييالىق ۇيقىعا جيٸ كەتٸپ, اپتالاپ, تٸپتٸ ەكٸ اپتاداي ۇيىقتايدى ەكەن. اناسى وسىنى بٸلەتٸندٸكتەن مۇندايدا قاتتى ۋايىمعا سالىنبايتىن كٶرٸنەدٸ. سودان بٸر كٷنٸ جٸگٸت ٷش اپتا بويى ۇيىقتاپ, ويانبايدى. سول بٸر جىلدارى اۋىلدا دەرٸگەر اتاۋلى بولماعان ەكەن. سوندىقتان اۋىل ادامدارى اۋىرا قالسا, انيا دەگەن ەجەيدٸ ەمشٸ ساناپ, بارلىعى سودان كەڭەس الىپتى. ٷش اپتا ۇيىقتاعان جٸگٸتتٸڭ قاتتى جٷدەپ, سولىپ قۋارعان تٷرٸن كٶرگەن انيا ەجەي ونى ٶلدٸگە سانايدى. بارلىعى ونىڭ سٶزٸنە قۇلاق اسىپ, جٸگٸتتٸ قارا جەردٸڭ قوينىنا تاپسىرادى. ودان ٶزگە ەشكٸمٸ جوق انا, ٶلگەن بالاسىنا بار جاقسىسىن كيٸندٸرٸپ, قولىنا التىن ساعاتىن تاعىپ, جانىنا گارمونىن قويادى. مۇنى بٸلگەن قاراقشىلار تٷندە جٸگٸتتٸڭ قىمبات زاتتارىن الۋ ٷشٸن مولانى قازىپ, تابىتتى سىرتقا الىپ شىعادى. اينالادا ەشكٸم جوق ەكەنٸنە كٶز جەتكٸزگەن قاسكٶيلەر تابىتتىڭ شەگەلەرٸن بٸر-بٸرلەپ سۋىرا باستايدى. سوڭعى ەكٸ-ٷش شەگە قالعاندا, ادامنىڭ ىڭىرانعان داۋىسى ەسٸتٸلەدٸ. جان-جاققا قارايدى, ەشكٸم جوق. قاراقشىلار اقىرىن قۇلاقتارىن تابىتقا توسادى. ىڭىرانعان داۋىس تابىت ٸشٸنەن شىعىپ تۇرعانىن ەستٸپ, قاراقشىلار الدى-ارتىنا قاراۋعا شاماسى كەلمەي قاشا جٶنەلەدٸ.
جٸگٸت دەل سول سەتتە ۇزاق ۇيقىدان ويانعان ەكەن. بەلكٸم اللانىڭ ەمٸرٸ سولاي بولعان شىعار, كٸم بٸلسٸن? ول تابىتتىڭ قاقپاعىن اشىپ, تىسقا شىعادى. بولعان جايدان بەيحابار جٸگٸت ۇيقىدان وياندىم ەكەن دەپ, ورنىنان تۇرىپ, قولىنا گارمونىن الىپ, تٷن ورتاسىندا ٷيٸنە كەلەدٸ. ەسٸك قاقسا اناسى اشپايدى. ول ٶزٸنٸڭ ۇلى ەكەنٸن ايتىپ قانشا جالىنسا دا سەنبەي, ەسٸكتٸ اشپايدى. اناسى ەلەس مازالاپ كەلٸپ تۇر دەگەن ويمەن: «جوعال بۇل ارادان ەيتپەسە اتامىن» -دەپ ايعاي سالادى. سول كەزدە ۇلى گارمونمەن اناسى سٷيٸپ تىڭدايتىن ەندەردٸ ورىنداي باستايدى. الايدا كٶڭٸلٸ ودان ەرمەن جابىرقاعان انا مىلتىقتىڭ شٷرٸپپەسٸن باسىپ جٸبەرەدٸ. تٷن ورتاسىندا جالعىز دالاعا شىعۋعا قورقىپ, ەيەل تاڭنىڭ اتۋىن كٷتەدٸ. تٷندٸ ۇيقىسىز ٶتكٸزگەن ەيەل تاڭ اتىسىمەن ەسٸك الدىنا شىعادى. سول كەزدە عانا تٷندە ٷيگە كەلگەن ەلەس ەمەس ەكەنٸنە كٶز جەتكٸزەدٸ.
بٸراق بەرٸ دە كەش ەدٸ. جالعىز ۇلى ەسٸك الدىندا قانعا بويالىپ جاتادى, جانىندا گارمون. سوندا بارىپ, ٶزٸنٸڭ ورنى تولماس قاتەلٸك جاساعانىن بٸلەدٸ. سول مەزەتتە ەيەلٸدٸڭ شاشى اعارىپ كەتەدٸ. ۇلىن قايتادان جەرلەگەن سوڭ ٶزٸ دە بۇل دٷنيەدە كٶپ تۇراقتاماپتى. كٶپ ۇزاماي, ۇلىنىڭ بەيٸتٸنٸڭ جانىندا ٶلٸپ جاتقان ەيەلدٸ اۋىلداستارى تاۋىپ العان ەكەن.
