اقمولا وبلىسىندا ەكٸ پوليتسييا قىزمەتكەرٸنٸڭ ٶلٸمٸنە قاتىستى ٸس سوتقا جولداندى, دەپ حابارلايدى "ۇلت اقپارات" وبلىستىق سوتتىڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, ەكٸ پوليتسييا قىزمەتكەرٸنٸڭ ٶلٸمٸنە كٸنەلٸ سەرگەي ۆورونتسوۆقا قاتىستى قىلمىستىق ٸس اقمولا وبلىسىنىڭ بۋراباي اۋداندىق سوتىندا قارالادى. ول قر قك 200-باپتىڭ 3-بٶلٸگٸ (ٸرٸ زالال كەلتٸرگەن, اۆتوموبيلدٸ ۇرلاۋ ماقساتىنسىز زاڭسىز يەلەنۋ (ايداپ ەكەتۋ)), 346-باپتىڭ 2, 3, 6-بٶلٸكتەرٸ (كٶلٸك قۇرالىن باسقارۋ قۇقىعىنان ايىرىلعان جەنە الكوگولدٸك ماساڭ كٷيدەگٸ ادامنىڭ كٶلٸك قۇرالىن باسقارۋى, ابايسىزدا ادام دەنساۋلىعىنا جەڭٸل زييان كەلتٸرۋگە, ادام دەنساۋلىعىنا ورتاشا اۋىرلىقتاعى زييان كەلتٸرۋ جەنە ەكٸ ادامنىڭ ٶلٸمٸنە ەكەپ سوعۋ) بويىنشا ايىپتالىپ وتىر.
ايىپتاۋ قورىتىندىسىنا سەيكەس, بۇرىن ەكٸمشٸلٸك, قىلمىستىق جاۋاپكەرشٸلٸككە تارتىلعان جەنە كٶلٸك قۇرالدارىن باسقارۋ قۇقىعىنان ايىرىلعان ششۋچينسك قالاسىنىڭ تۇرعىنى سەرگەي ۆورونتسوۆ بٸرقاتار اۋىر قىلمىستىق قۇقىق بۇزۋشىلىقتار جاسادى. اتاپ ايتقاندا, 2020 جىلدىڭ قازان ايىندا س.ۆورونتسوۆ اناسىنىڭ كٶلٸگٸن ايداپ ەكەتكەن, سودان كەيٸن وسى اۆتوكٶلٸكپەن ششۋچينسك قالاسىندا ماس كٷيٸندە, تىيىم سالاتىن سيگنالعا قاراماستان قاتتى جىلدامدىقپەن جٷيتكٸگەن بويى باعدارشامنىڭ باعانىن سوققان.
ۆورونتسوۆتىڭ كٸنەسٸنەن ورىن العان جول-كٶلٸك وقيعاسىنىڭ سالدارىنان سول جەردە ەكٸ ادام كٶز جۇمدى, تاعى ەكٸ ادام تٷرلٸ دەرەجەدە جاراقات الىپ, اۋرۋحاناعا جەتكٸزٸلدٸ. ال, اۆتوكٶلٸكتەرگە ايتارلىقتاي زاقىم كەلٸپ, جارامسىز بولىپ قالدى.
«وسى قىلمىستىق ٸس بويىنشا سوت وتىرىسى 2021 جىلعى 25 قاڭتاردا بۋراباي اۋداندىق سوتىندا ساعات 15.00-گە تاعايىندالدى», - دەدٸ ۆەدومستۆودان.
