Asianboxing.info سايتى ازييالىق بوكسشىلار اراسىنداعى ەڭ ٷزدٸك وندىقتى اتادى. ونىڭ ٸشٸندە ەكٸ قازاقستاندىق بوكسشى بار, دەپ حابارلايدى "ۇلت اقپارات" Sports.kz سايتىنا سٸلتەمە جاساپ.
ٷزدٸك وندىققا جاقىندا عانا كەسٸبي رينگتە دەبيۋت جاساعان تۇرسىنباي قۇلاحمەت (1-0, 1 كو) پەن بەك نۇرماعانبەت (1-0, 1 كو) ەندٸ.
قۇلاحمەت ٶزٸنٸڭ كەسٸبي مانسابىن 23 تامىزدا باستادى. ول تٶرتٸنشٸ راۋندتا ٶزٸنٸڭ وتانداسى ساعادات راحمانقۇلوۆتى (6-2, 4 كو) جەڭگەن بولاتىن. تۇرسىنبايدىڭ كەلەسٸ جەكپە-جەگٸ 11 قاراشادا بريتاندىق ماكولەي ماكگوۋەنمەن (14-0-1, 3 كو) بولادى.
نۇرماعانبەت كەسٸپقوي بوكستاعى العاشقى ويىنىن 26 شٸلدە كٷنٸ ٶتكٸزگەن ەدٸ. ول ماجارستاندىق تاماشا لاسكانى (19-23-1, 10 كو) بٸرٸنشٸ راۋندتا-اق نوكاۋتقا جٸبەرگەن بولاتىن. بەكتٸڭ ەكٸنشٸ جەكپە-جەگٸ 31 قازانعا جوسپارلانعان. ونىڭ قارسىلاسى -تانزانييالىق بوكسشى ابداللا پاززي (28-7-1, 25 كو).
