Asianboxing.info saity aziialyq boksshylar arasyndaǵy eń úzdik ondyqty atady. Onyń ishinde eki qazaqstandyq boksshy bar, dep habarlaidy "Ult aqparat" Sports.kz saityna silteme jasap.
Úzdik ondyqqa jaqynda ǵana kásibi ringte debiýt jasaǵan Tursynbai Qulahmet (1-0, 1 KO) pen Bek Nurmaǵanbet (1-0, 1 KO) endi.
Qulahmet óziniń kásibi mansabyn 23 tamyzda bastady. Ol tórtinshi raýndta óziniń otandasy Saǵadat Rahmanqulovty (6-2, 4 KO) jeńgen bolatyn. Tursynbaidyń kelesi jekpe-jegi 11 qarashada britandyq Makolei Makgoýenmen (14-0-1, 3 KO) bolady.
Nurmaǵanbet kásipqoi bokstaǵy alǵashqy oiynyn 26 shilde kúni ótkizgen edi. Ol majarstandyq Tamasha Laskany (19-23-1, 10 KO) birinshi raýndta-aq nokaýtqa jibergen bolatyn. Bektiń ekinshi jekpe-jegi 31 qazanǵa josparlanǵan. Onyń qarsylasy -tanzaniialyq boksshy Abdalla Pazzi (28-7-1, 25 KO).
