باتىس قازاقستان وبلىسىندا ماس جٷرگٸزۋشٸ جول جيەگٸمەن كەلە جاتقان ەكٸ ەيەلدٸ قاعىپ, ولاردىڭ بٸرٸن مەرت قىلعان. جول-كٶلٸك وقيعاسىنان كەيٸن جٷرگٸزۋشٸ وقيعا ورنىنان قاشىپ كەتكەن, دەپ حابارلايدى ult.kz.
اپات 8 قىركٷيەك كٷنٸ ساعات 23:00 شاماسىندا كرۋگلووزەرنوە اۋىلىندا بولعان. Lada Priora كٶلٸگٸنٸڭ جٷرگٸزۋشٸسٸ جول جيەگٸمەن كەلە جاتقان ەكٸ ەيەلدٸ قاعىپ, توقتاماستان وقيعا ورنىنان كەتٸپ قالعان.
جول-كٶلٸك وقيعاسى سالدارىنان ەيەلدەردٸڭ بٸرٸ قازا تاپتى. ەكٸنشٸسٸ تٷرلٸ جاراقاتپەن اۋرۋحاناعا جەتكٸزٸلدٸ.
پوليتسييا جٷرگٸزۋشٸنٸڭ جەكە باسىن انىقتاپ, ونى ۇستادى. مەديتسينالىق كۋەلاندىرۋ كەزٸندە ونىڭ جول اپاتى بولعان سەتتە الكوگولدٸك ماس كٷيدە بولعانى انىقتالدى. كٷدٸكتٸ قاماۋعا الىندى.
الدىن الا مەلٸمەت بويىنشا, زارداپ شەككەن ەيەلدەر اناسى مەن قىزى بولعان. قازا تاپقان ەيەلدٸڭ 31 جاستا بولعانى تۋرالى اقپارات بار. الايدا بۇل دەرەك ەزٸرگە رەسمي تٷردە راستالماعان.
اتالعان فاكتٸ بويىنشا قىلمىستىق ٸس قوزعالىپ, تەرگەۋ جٷرگٸزٸلٸپ جاتىر.
