2019 جىلى توكيودا ادام ٶلٸمٸمەن اياقتالعان جول اپاتى ٷشٸن سوتتالعان 90 جاستاعى بۇرىنعى جوعارى شەندٸ شەنەۋنٸكتٸڭ بەس جىلدىق تٷرمە جازاسى جۇما كٷنٸ اياقتالدى, دەپ حابارلايدى قازاقپارات كyodo اگەنتتٸگٸنە سٸلتەمە جاساپ.
سوت ٷكٸمٸ بويىنشا, 2019 جىلعى 19 سەۋٸردە توكيوداعى يكەبۋكۋرو اۋدانىندا كودزو ييدزۋكانىڭ تەجەگٸشتٸ گاز پەدالٸمەن شاتاستىرىپ الىپ, باعدارشامنىڭ قىزىل تٷسٸنە ٶتٸپ كەتٸپ, جاياۋ جٷرگٸنشٸلەر ٶتكەلٸندە ۆەلوسيپەدپەن كەلە جاتقان 31 جاستاعى مانۋ ماتسۋناگۋ مەن ونىڭ 3 جاسار قىزى ريكونى قاعىپ ٶلتٸرگەن. وقيعا سالدارىنان تاعى توعىز ادام جاراقات الدى.
ەندٸ پروكۋراتۋرا ٶزدٸگٸنەن جٷرە المايتىن, مٷگەدەكتەر ارباسىنا تاڭىلعان ييدزۋكانىڭ جاسى مەن دەنساۋلىق جاعدايىن ەسكەرە وتىرىپ, تەمٸر توردىڭ ار جاعىندا ۋاقىت ٶتكٸزەتٸنٸن-ٶتكٸزبەيتٸنٸن زەرتتەيدٸ.
جاپونييانىڭ قىلمىستىق ٸس جٷرگٸزۋ زاڭى 70 جاستان اسقان سوتتالعاندارعا, سونداي-اق دەنساۋلىعىنا ەلەۋلٸ زييان كەلتٸرۋ نەمەسە ٶلٸم قاۋپٸمەن بەتپە-بەت كەلگەندەرگە جازانى توقتاتا تۇرۋعا مٷمكٸندٸك بەرەدٸ.
ييزۋكا وعان تاعىلعان ايىپ بويىنشا كٸنەسٸن مويىنداعان جوق. ول كٶلٸك قۇرالىنداعى مەحانيكالىق پروبلەماعا بايلانىستى كٶلٸكتٸ باسقارا الماي قالعانىن مەلٸم ەتكەن.
الايدا, سوت ونىڭ گاز پەدالٸن تەجەگٸش دەپ شاتاستىرىپ, ونى شامامەن 10 سەكۋند باسىپ تۇرعانىن, سالدارىنان كٶلٸكتٸڭ جىلدامدىعى 96 كم/ساع-قا جەتكەنٸن انىقتادى. ول ٶلٸمگە ەكەلگەن جول اپاتى ٷشٸن كٸنەلٸ دەپ تانىلدى.
سونداي-اق سوت ييدزۋكانىڭ جاسىن ەسكەرە وتىرىپ, بەس جىلعا باس بوستاندىعىنان ايىرۋعا شەشٸم قابىلداعان بولاتىن.
