فوتو: primeminister.kz
پرەمەر-مينيستر ەليحان سمايىلوۆ XIII «يننوپروم» حالىقارالىق ٶنەركەسٸپتٸك كٶرمەسٸنە قاتىسۋ ٷشٸن ەكاتەرينبۋرگ قالاسىنا جۇمىس ساپارىمەن باردى. ٷكٸمەت باسشىسى, ەڭ الدىمەن, قالاداعى قازاقستاننىڭ باس كونسۋلدىعىنىڭ اشىلۋ رەسٸمٸنە قاتىستى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
باس كونسۋلدىق جۇمىسى قازاقستان رەسپۋبليكاسىنىڭ ٶڭٸرلەرٸ مەن كەسٸپورىندارىنىڭ رەسەي فەدەراتسيياسى ٶڭٸرلەرٸمەن ساۋدا-ەكونوميكالىق جەنە مەدەني-گۋمانيتارلىق ىنتىماقتاستىعىن كەڭەيتۋگە, سونداي-اق تيٸستٸ كونسۋلدىق قىزمەتتەردٸڭ قولجەتٸمدٸلٸگٸن ارتتىرۋعا باعىتتالعان.
جاڭا ديپلوماتييالىق نىساننىڭ جۇمىسى ورال فەدەرالدى وكرۋگٸنٸڭ بٷكٸل اۋماعىن, اتاپ ايتقاندا سۆەردلوۆ, چەليابٸ, قورعان, تٷمەن وبلىستارىن, سونىمەن قاتار پەرم ٶلكەسٸن قامتيدى. جالپى وسى كونسۋلدىق وكرۋگتٸڭ اۋماعىندا 90 مىڭنان استام قازاق, ونىڭ ٸشٸندە قازاقستاننان كەلگەن 7 مىڭنان استام ستۋدەنت بار.
ەكٸمشٸلٸك ورتالىعى جەنە ەڭ ٷلكەن قالاسى ەكاتەرينبۋرگ بولىپ تابىلاتىن ورال فەدەرالدى وكرۋگٸ – رەسەي فەدەراتسيياسىنىڭ قارقىندى دامىپ كەلە جاتقان ٶنەركەسٸپ, عىلىم-بٸلٸم, كٶلٸك-لوگيستيكالىق جەنە قارجى ورتالىقتارىنىڭ بٸرٸ. مۇندا ٸرٸ عىلىمي جەنە ٶندٸرٸستٸك بٸرلەستٸكتەر ورنالاسقان. ٶنەركەسٸپتٸك ٶندٸرٸستەگٸ ەكونوميكالىق قىزمەتتٸڭ نەگٸزگٸ تٷرلەرٸ جوعارى عىلىمي-تەحنيكالىق ەلەۋەتٸ بار ماشينا جاساۋ جەنە مەتالل ٶڭدەۋ ٶنەركەسٸبٸ بولىپ وتىر.
سالتاناتتى رەسٸم كەزٸندە ٷكٸمەت باسشىسى ەليحان سمايىلوۆ پەن سۆەردلوۆ وبلىسىنىڭ گۋبەرناتورى ەۆگەنيي كۋيۆاشەۆ قىزىل لەنتانى قيىپ, ارتىنشا باس كونسۋلدىقتىڭ عيماراتىن ارالادى.
پرەمەر-مينيستردٸڭ ايتۋىنشا, ورالدىڭ قاق ورتالىعىندا باس كونسۋلدىقتىڭ اشىلۋى بٸزدٸڭ دوستىق قارىم-قاتىناستارىمىزدىڭ دامۋىنا ەلەۋلٸ سەرپٸن بەرەدٸ.
سونىمەن قاتار ٷكٸمەت باسشىسى 10 جىل بۇرىن ەكاتەرينبۋرگتە ەكٸ ەل پرەزيدەنتتەرٸ قول قويعان ححٸ عاسىردا تاتۋ كٶرشٸلٸك پەن وداقتاستىق تۋرالى شارت اياسىندا ستراتەگييالىق ەرٸپتەستٸكتٸ ودان ەرٸ نىعايتۋ شارالارى بەلسەندٸ جالعاسىپ كەلە جاتقانىن اتاپ ٶتتٸ.
«بٷگٸندە قازاقستاننىڭ وبلىستارى مەن قالالارىنىڭ رەسەي سۋبەكتٸلەرٸنٸڭ كٶپشٸلٸگٸمەن تۇراقتى ديالوگى ورناتىلعان. بۇل تۇرعىدا ورال ايماعى گەوگرافييالىق جاقىندىعى جاعىنان دا, ٶنەركەسٸبٸ دامىعان سۆەردلوۆ, قورعان, تٷمەن, چەليابٸ وبلىستارىمەن جەنە پەرم ٶلكەسٸمەن قالىپتاسقان ساۋدا-ەكونوميكالىق بايلانىستار جاعىنان دا ٶتە ماڭىزدى», — دەدٸ ەليحان سمايىلوۆ.
سٶز سوڭىندا پرەمەر-مينيستر قر باس كونسۋلدىعى مەملەكەتارالىق ىنتىماقتاستىقتى دامىتۋ ٷشٸن جاڭا مٷمكٸندٸكتەر اشاتىنىنا سەنٸم بٸلدٸرٸپ, ونىڭ قىزمەتكەرلەرٸنٸڭ جۇمىسىنا تابىس تٸلەدٸ.
