© Sputnik / تيمۋر باتىرشين
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ ەلەكتروندى ٷكٸمەت پورتالى ارقىلى 10 سوتىق جەرگە ٶتٸنٸش نە سەبەپتٸ قابىلدانباي جاتقانىن تٷسٸندٸردٸ, دەپ حابارلايدى Sputnik قازاقستان.
"ٶتكەن اپتادا بٸز جەكە تۇرعىن ٷي قۇرىلىسى ٷشٸن جەر تەلٸمٸن الۋ بويىنشا كەزەككە تۇرۋ قىزمەتٸن تەستتٸك رەجيمدە ەنگٸزدٸك. ال 8 سەۋٸردە رەسمي تٷردە ٸسكە قوستىق. سودان بەرٸ وسى قىزمەتتٸ ونلاين-فورماتتا 100 مىڭنان استام رەت پايدالاندى. بۇعان دەيٸن بٸز كەزەكتە تۇرعان 1,3 ادامدى تسيفرلىق فورماتقا اۋىستىردىق", - دەيدٸ مينيسترلٸك ماماندارى.
بٸراق ٷش ايماقتا ادامداردىڭ ٶتٸنٸشٸ ۋاقىتشا قابىلدانبايدى. سەبەبٸ جەرگٸلٸكتٸ بيلٸك جەر كەزەگٸن رەتكە كەلتٸرٸپ ٷلگەرمەدٸ.
"بۇل قىزمەت ٷش ايماقتا قولجەتٸمسٸز بولۋى مٷمكٸن. سەبەبٸ ەكٸمدٸكتەر كەزەككە تۇرعىزۋدى ۋاقىتشا توقتاتۋدى سۇرادى. ولار دەرەكتەردٸ قايتا تەكسەرٸپ جاتىر. ٶتٸنٸش قابىلدانباي جاتسا, ە-ٶتٸنٸش ارقىلى جەرگٸلٸكتٸ اتقارۋشى ورگاننان تٷسٸنٸكتەمە الۋعا بولادى", - دەيدٸ قىزمەتكەرلەر.
ايتا كەتەرٸ, بۇعان دەيٸن قازاقستاندىقتار كەزەككە تۇرۋ ٷشٸن ەكٸمدٸكتەرگە قاعاز جٷزٸندە ٶتٸنٸش تاپسىراتىن, وندا كەزەك رەتٸنٸڭ دۇرىس جٷرگٸزٸلمەۋ قاۋپٸ بولاتىن.
ول كەزدە كەزەككە تۇرۋ پروتسەسٸ 12 كٷن ۋاقىت الاتىن. بۇل ٶتٸنٸشتەر 16 جىل بويى اۋدان, قالا, وبلىس دەڭگەيٸندە بٶلەك-بٶلەك ساقتالدى.
ال جاڭا جٷيەنٸڭ ارقاسىندا قازاقستاندىقتار كەزەككە تۇرىپ, eGov.kz-تە ونىڭ جىلجۋ بارىسىن ٶز بەتٸنشە باقىلاپ, جەر كەزەگٸنە بۇدان بۇرىن بەرٸلگەن ٶتٸنٸشتٸڭ دەرەكتەرٸن ٶزەكتەندٸرە الادى.
وسىلايشا ەربٸر قازاقستاندىق الۋعا تيٸس 10 سوتىق جەردٸ الۋ پروتسەسٸ بارىنشا اشىق بولادى. ال اۆتوماتيزاتسييا ارقاسىندا بۇل پروتسەسكە 5 مينۋت قانا جۇمسالادى.
