ەگيپەتتە قازاقستاندىق تۋريستەر مٸنگەن اۆتوبۋس اۋدارىلىپ, ەكٸ ادام اۋرۋحاناعا جەتكٸزٸلدٸ, دەپ حابارلايدى قازاقستاننىڭ سىرتقى ٸستەر مينيسترلٸگٸ.
“29 تامىز كٷنٸ ساعات 4.30-دا حۋرگادا-كاير اۆتوتراسساسىندا جولاۋشىلار اۆتوبۋسى اۋدارىلعان, سالوندا كاير قالاسىنا ەكسكۋرسيياعا شىققان 22 قازاقستاندىق تۋريست بولعان. جول اپاتىنىڭ سالدارىنان ەكٸ قازاقستان ازاماتى جاراقات الىپ, جاقىن ماڭداعى “راس-گاريب” ەلدٸ مەكەنٸندەگٸ اۋرۋحاناعا جەتكٸزٸلگەن. ولارعا مەديتسينالىق كٶمەك كٶرسەتٸلدٸ”, - دەپ حابارلادى سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ.
كەشە كەشكە مينيسترلٸك ٶكٸلٸ ەكٸ تۋريستكە تولىق مەديتسينالىق كٶمەك كٶرسەتٸلۋٸ ٷشٸن ولاردىڭ حۋسرادا قالاسىنداعى “ال-مىسري” اۋرۋحاناسىنا اۋىستىرىلاتىنىن حابارلاعان.
مينيسترلٸكتٸڭ ايتۋىنشا, قالعان جولاۋشىلاردىڭ دەنساۋلىعى قالىپتى. دەمالىستارىن جالعاستىرىپ جاتىر. جاعدايدى ەيپەتتەگٸ قازاقستان ەلشٸلٸگٸ باقىلاۋىنا العان.
