ٶتكەن دەمالىستا تەمٸرتاۋ قالاسىنىڭ كٶپبەيٸندٸ انا مەن بالا ورتالىعىندا نەرەستە مەرت بولدى. بوسانعان ەيەلدٸڭ ايتۋىنشا, مەديتسينالىق كٶمەك ۋاقىتىلى كٶرسەتٸلمەگەندٸكتەن, ول تۇرىپ بوسانعان, سودان نەرەستە ەدەنگە قۇلاعان. ەيەل قىزىنىڭ ٶلٸمٸنە مەديتسينا قىزمەتكەرلەرٸنٸڭ كٸنەلٸ ەكەنٸن دەلەلدەۋگە نيەتتٸ, - دەپ حابارلايدى Tengrinews.kz.
33 جاستاعى ايجان شاحمانوۆا كٶپبەيٸندٸ انالار مەن بالالار ورتالىعىنا 19 اقپاندا تٷسكەن. ەيەل جٷكتٸلٸگٸنٸڭ 40-شى اپتاسىندا ەدٸ. بۇل ايجاننىڭ ٷشٸنشٸ نەرەستەسٸ. ونىڭ ٷلكەن بالالارى 12 جەنە 11 جاستا.
"سەبيٸمٸزدٸ اسىعا كٷتتٸك, ونى ايشا دەپ اتاعىمىز كەلدٸ. مەن اۋرۋحاناعا شامامەن 23.30-دا تٷستٸم. قابىلداۋ كەزٸندە بەرٸ جاقسى بولدى, جٷرەك سوعىسى قالىپتى, تولعاق ورتاشا, ەر بەس مينۋت سايىن. ماعان تاڭعا جاقىن بوساناتىنىمدى ايتتى. شامامەن 01.50-دە تولعاق جيٸلەي تٷستٸ. قايتادان ۇرىققا كارديوتوكوگرافييا جاسادى, سەبيدٸڭ جٷرەك سوعىسىن تىڭدادى, ورىندىقتا تەكسەردٸ. سول كەزدە بوساناتىنىمدى ايتىپ ايعايلاعان ەدٸم. بٸراق ولار تەكسەرۋدەن ٶتٸپ جاتقان باسقا ەيەلدەرمەن بٸرگە بوسانۋ زالىنا اپاراتىنىن ايتتى. مەن تولعاق باستالدى دەپ ايعايلادىم, بٸراق مەنٸ تىڭداعان ادام جوق, ەلەمەدٸ", - دەدٸ ايجان.
ليفتٸدە ەيەلدەن قاعاناق سۋى كەتكەن. بوسانۋ بٶلمەسٸنە دە ٶزٸ بارۋعا مەجبٷر بولعانىن ايتتى. بٶلمەگە كٸرە بەرگەندە تاعى دا تولعاق قىسىپ, تٶسەككە جارتى مەتر قالعاندا بوسانىپ قويعان.
"تولعاق باستالعاندا بوسانايىن دەپ جاتقانىمدى ايتىپ ايعايلادىم. ەندٸ تٶسەككە قولىم تيە بەرگەندە ٸشٸمنەن نەرەستە شىعىپ, ەدەنگە قۇلاپ تٷستٸ. ودان ەرٸ لينولەۋممەن تاعى جارتى مەترگە دومالاپ كەتتٸ... جانىمداعى ماماندار, شامامەن 5-7 ادام: "نە ٸستەپ جاتىرسىز, نە ٸستەپ جاتىرسىز?" دەپ جاتىر... مەن كٸم كٸمگە نە ايتىپ جاتقانىن تٷسٸنبەدٸم... مەديتسينا قىزمەتكەرلەرٸ قوبالجي باستادى, بالا ەشقانداي دىبىس شىعارمادى. كٸندٸك كەسٸلمەدٸ, ول مەنەن اجىراپ كەتتٸ", - دەيدٸ ايجان.
ودان ەرٸ ايجاننان قان كەتە باستاپ, انەستەزييا سالىنعان. ول ويانعاندا تەلەفون بەرٸلمەي قويعانىن ايتتى. تاڭەرتەڭ عانا ۇيالى تەلەفونىن الىپ, 102 نٶمٸرٸنە قوڭىراۋ شالعان. بوسانعان ەيەلدٸڭ ايتۋىنشا, پوليتسييا قىزمەتكەرلەرٸ بالانىڭ ٶلٸمٸ تۋرالى دەرٸگەرلەردەن ەمەس, ودان بٸلگەن.
"پەرزەنتحانا بالا ٶلگەنٸن پوليتسيياعا حابارلاماعان. قىزمەتكەردٸ دە مەن جاتقان رەانيماتسيياعا ٶتكٸزگٸسٸ كەلمەدٸ. مەن بولعان وقيعاعا كٸنەلٸ ەربٸر مەديتسينا قىزمەتكەرٸ جازالانعانىن قالايمىن. ٶيتكەنٸ ەشقانداي پاتولوگييا بولعان جوق, توعىز اي قىزىمدى كٶتەرٸپ, كٷتتٸم, ارماندادىم", - دەيدٸ ەيەل.
تەمٸرتاۋ قالاسىنىڭ كٶپسالالى انا مەن بالا ورتالىعى اتالعان دەرەك بويىنشا قازٸرگٸ ۋاقىتتا قىزمەتتٸك تەرگەۋ جٷرٸپ جاتقانىن حابارلادى. قاراعاندى وبلىسىنىڭ دەنساۋلىق ساقتاۋ باسقارماسى ٶكٸلٸ ٶڭٸرلٸك مەديتسينالىق جەنە فارماتسەۆتيكالىق باقىلاۋ دەپارتامەنتٸ تاراپىنان تەكسەرۋ جٷرگٸزۋگە باستاما جاسايتىنىن اتاپ ٶتتٸ.
قاراعاندى وبلىسى پوليتسييا دەپارتامەنتٸنٸڭ باسپاسٶز قىزمەتٸ دە جاعدايعا تٷسٸنٸك بەردٸ.
"بۇل دەرەك پوليتسييادا تٸركەلدٸ. قاجەتتٸ ساراپتامالار تاعايىندالدى. تەرگەۋ جٷرٸپ جاتىر", - دەدٸ ۆەدومستۆو ٶكٸلدەرٸ.
