كٶپقاباتتى ٷيلەردٸڭ بٸرٸندەگٸ تۇرعىندار دابىل قاعۋدا – پەتەرلەردٸڭ بٸرٸندەگٸ بالكون ورنىنان «جىلجىپ» كەتٸپ, ەدەن دٸرٸلدەگەن, دەپ حابارلايدى قازاقپارات تٸلشٸسٸ.
«ٶتە شۇعىل. استاناداعى كٶپقاباتتى ٷيلەردٸڭ بٸرٸندەگٸ بالكون ورنىنان «جىلجي» باستادى. ماعان حابارلاسقان كٶرشٸنٸڭ ايتۋىنشا, جوعارى قاباتتا تۇراتىن تۇرعىنداردىڭ ەدەنٸندە جارىقتار پايدا بولعان. مەكەنجايىمىز: «وربيتا» تۇرعىن ٷي كەشەنٸ, پەتروۆ كٶشەسٸندەگٸ 10-ٷي. قۇرمەتتٸ جەرگٸلٸكتٸ اتقارۋشى ورگاندار, نازار اۋدارۋلارىڭىزدى سۇرايمىن!», - دەپ جازدى Facebook-تەگٸ توپتا نايل ريناتوۆيچ دەگەن قولدانۋشى.
ول ەلەۋمەتتٸك جەلٸدەگٸ اتالمىش تۇرعىن ٷيدٸڭ ۆيدەوسى مەن فوتوسۋرەتتەر جارييالاندى. فوتودان بالكوننىڭ پلاستيك تەرەزە قابىرعاسى مايىسا باستاعانىن كٶرۋگە بولادى.
قالالىق ەكٸمدٸكتٸڭ حابارلاۋىنشا, ولار پروبلەماسى بار تۇرعىن ٷي تۋرالى بٸلەدٸ. قازٸرگٸ ۋاقىتتا ول جاقتا تەحنيكالىق تەكسەرۋ جٷرگٸزٸلٸپ جاتىر, ودان كەيٸن ٷيدٸڭ اپاتتىق دەڭگەيٸ انىقتالادى.
