قازاقستاندىقتار ەلدوس سمەتوۆ پەن عۇسمان قىرعىزباەۆ دزيۋدودان تسينداودا (قىتاي) ٶتٸپ جاتقان «Masters» تۋرنيرٸندە جٷلدەسٸز قالدى, دەپ حابارلايدى "ۇلت اقپارات".
ە.سمەتوۆ پەن ع.قىرعىزباەۆ 60 كەلٸگە دەيٸنگٸ سالماقتا قولا جٷلدە ٷشٸن بەلدەستٸ.
ەلدوس جارتىلاي فينالدا يسپانييالىق فرانتسيسكو گارريگوستان ۇتىلىپ قالدى. سودان كەيٸن كٸشٸ فينالدا رەسەيلٸك روبەرت مشۆيدوبادزەگە ەسە جٸبەردٸ.
عۇسمان شيرەك فينالدا وتانداسى ە.سمەتوۆكە جول بەرگەنٸمەن, جۇبانىش بەلدەسۋٸندە ۇلىبريتانييالىق ەشلي ماككەنزيدٸ تٸزە بٷكتٸردٸ.
سوسىن قولا جٷلدە ٷشٸن بەسەكەدە ٶزبەكستاندىق شارافوددين لۋتفۋللاەۆپەن تاتاميگە شىقتى. بۇعان دەيٸن قارسىلاستار ٷش مەرتە كەزدەسٸپ, سونىڭ ەكەۋٸندە ٶزبەكستاندىق دزيۋدوشى ۇتقان ەكەن. سونىڭ ٸشٸندە بيىل توكيودا ٶتكەن ەلەم چەمپيوناتىنىڭ جارتىلاي فينالىندا ش.لۋتفۋللاەۆتىڭ باسىم تٷسكەنٸ بەلگٸلٸ.
بۇل جولى ع.قىرعىزباەۆ ٷش مەرتە ەسكەرتۋ الىپ, جەڭٸس قارسىلاسىنا بەرٸلدٸ.
وسىلايشا ە.سمەتوۆ پەن ع.قىرعىزباەۆ بەسٸنشٸ ورىندى قاناعات تۇتتى.
بۇل سالماقتا فينالدا ف.گارريگوستى تازا جەڭگەن ەلەمدٸك رەيتينگتە كٶش باستاپ تۇرعان جاپونييالىق ريۋدزيۋ ناگاياما چەمپيون اتاندى.
توكيوداعى ەلەم چەمپيوناتىندا ە.سمەتوۆ جارتىلاي فينالدا دەل وسى ر.ناگايامادان ۇتىلىپ, قولا جٷلدە ٷشٸن بەسەكەدە وتانداسى ع.قىرعىزباەۆتى جەڭگەن بولاتىن.
ەيەلدەر اراسىندا قازاقستاندىق وتگونتسەتسەگ گالبادراح 48 كەلٸگە دەيٸنگٸ سالماقتا جەتٸنشٸ ورىنمەن شەكتەلدٸ.
ەسكە سالا كەتەيٸك, بۇدان بۇرىن قازاقستاندىق دزيۋدوشىلاردىڭ قىتايدا ٶتەتٸن تۋرنيرگە قاتىساتىنىن جازعان بولاتىنبىز.
