فوتو: Olympic.kz
13-20 ماۋسىم كٷندەرٸ ارالىعىندا ماجارستاننىڭ بۋداپەشت قالاسىندا دزيۋدودان ەلەم چەمپيوناتى ٶتەدٸ, دەپ حابارلايدى Ult.kz قر تۋريزم جەنە سپورت مينيسترلٸگٸنە سٸلتەمە جاساپ.
ماجارستان مەملەكەتٸ اراعا 4 جىل سالىپ, قايتا جاھاندىق دودانى قابىلداۋعا مٷمكٸندٸك الدى. 2021 جىلى قازاقستان ساپىنان 17 سپورتشى قاتىسىپ, تەك 60 كەلٸدە عۇسمان قىرعىزباەۆ كٷمٸس جٷلدەگە يە بولعان. 4 جىلدان كەيٸن سول قۇرامنان قازاقستان اتىنان قايتا ماعجان شامشادين, عۇسمان قىرعىزباەۆ, ەراسىل قاجىباەۆ جەنە ەبيبا ابۋجاقىنوۆا باق سىناماق.
2024 جىلى پاريج وليمپياداسىنىڭ الدىندا ابۋ-دابيدە (باە) ٶتكەن ەلەم چەمپيوناتىندا 48 كەلٸدەگٸ ەبيبا ابۋجاقىنوۆا عانا قولا جٷلدەنٸ جەڭٸپ الدى. ال 60 كەلٸدە ەلدوس سمەتوۆ قولا جٷلدە ٷشٸن بەلدەسۋدە جاپونييالىق تايكي ناكامۋراعا ەسە جٸبەرگەن ەدٸ.
1993 جىلدان بەرٸ جاھاندىق دوداعا قاتىسىپ كەلە جاتقان قازاقستان ٶز تاريحىندا 2 التىن, 5 كٷمٸس, 8 قولا مەدال يەلەنگەن. 2009 جىلى 100 كەلٸدەگٸ ماكسيم راكوۆ تۇڭعىش رەت ەلەم چەمپيونى اتانسا, 2015 جىلى استانا تٶرٸندە 60 كەلٸدەگٸ ەلدوس سمەتوۆ توپ جاردى.
بيىلعى بەسەكەدە قۇراما ساپىندا 2 ەلەم چەمپيوناتىندا قولا جٷلدە الىپ ٷلگەرگەن, 48 كەلٸدەگٸ ەبيبا ابۋجاقىنوۆاعا جٷك ارتىلاتىنى سٶزسٸز. بۇل سالماقتاعى باستى قارسىلاستاردىڭ تٸزٸمٸنە پاريج وليمپياداسىنىڭ قولا جٷلدەگەرلەرٸ شيرين بۋكلي (فرانتسييا), تارا بابۋلفات (شۆەتسييا), 3 جىل بويى جٷلدە تۇعىرىنان كٶرٸنٸپ جٷرگەن اسسۋنتا سكۋتتو (يتالييا), ۆاكانا كوگا (جاپونييا), گانبااتار نارانتسەتتسەگ (موڭعولييا), سابينا گيليازوۆا (بەيتاراپ سپورتشى) قوسۋعا بولادى.
استاناداعى ٷلكەن دۋلىعا بەسەكەسٸندە 60 كەلٸدە 3 بٸردەي وتانداسىمىز جٷلدە العان سوڭ, كٶپشٸلٸكتٸڭ نازارى وسى سالماققا اۋماق. بٸزدٸڭ قۇرامادان ماعجان شامشادين مەن شەرزود داۆلاتوۆ جٷلدەگە ارالاسىپ كٶرمەك. شەرزود ٷشٸن بۇل دەبيۋت بولسا, ماعجان 2021 جىلى دەل وسى ماجارستان تٶرٸندە جارتىلاي فينالعا دەيٸن جەتكەنٸمەن, جٷلدەگە ٸلٸگە الماي, 5-ورىنمەن شەكتەلگەن ەدٸ.
بيىل بۇل سالماقتا باستى فاۆوريتتەردٸڭ تٸزٸمٸندە پاريج وليمپياداسىنىڭ فينالىندا ەلدوسقا ەسە جٸبەرگەن لۋكا محەيدزە (فرانتسييا), پاريج وليمپياداسىنىڭ قولا جٷلدەگەرلەرٸ ريۋدزيۋ ناگاياما (جاپونييا), فرانسيسكو گارريگوس (يسپانييا), بىلتىرعى ەلەم چەمپيونى گەورگيي ساردالاشۆيلي (گرۋزييا), يان يۋنۆەي (تايپەي) تۇر.
66 كەلٸدە پاريج وليمپياداسىنىڭ قولا جٷلدەگەرٸ عۇسمان قىرعىزباەۆقا دا وڭايعا تٷسپەسٸ انىق. بۇل سالماقتا 2 دٷركٸن وليمپيادا چەمپيونى حيفۋمي ابە (جاپونييا), بىلتىرعى كٷمٸس جٷلدەگەر تاكەشي تاكەوكا (جاپونييا), نۋرالي ەمومالي (تەجٸكستان), دەنيس ۆيەرۋ (مولدوۆا), ۆاليد حيار توسقاۋىل بولماق.
ٶزگە سالماقتاردان ابىلايحان جۇبانازار (81 كەلٸ), جاس بولسا دا قايراتتى ماكسيم مەيٸرلان, مارات بايكامۋروۆتان (100 كەلٸ) جاقسى بەلدەسۋلەر كٷتەمٸز.
