ۇلىبريتانييا پرەمەر-مينيسترٸ بوريس دجونسون بريتانييانى قازاننىڭ 31-ٸنە دەيٸن ەۋروداقتان شىعارامىن دەگەن ۋەدەسٸن ورىنداي الماعانى ٷشٸن پارتييالاستارىنان كەشٸرٸم سۇرادى. كونسەرۆاتورلار پارتيياسى بيىل جازدا دجونسوندى جەتەكشٸ ەتٸپ سايلاعان ەدٸ, سونىڭ ارقاسىندا ول پرەمەر-مينيستر بولعان.
دجونسون بۇرىن برەكزيتتٸ كەيٸنگە قالدىرۋعا "ٶلسەم دە جول بەرمەيمٸن" دەپ ۋەدە بەرگەن.
دجونسون برەكزيتتٸڭ تاعى دا كەيٸنگە شەگەرٸلۋٸن "زور ٶكٸنٸش" دەپ باعالادى. جەكسەنبٸدە Sky News تەلەارناسىنا بەرگەن سۇقباتىندا ول برەكزيت تٶڭٸرەگٸندە قالىپتاسقان جاعدايدان شىعا الماعانىن ايتتى. بريتانييا پارلامەنتٸ برەكزيتتٸ شەگەرۋدٸ سۇراۋعا مەجبٷرلەيتٸن ارنايى زاڭ قابىلداعان ەدٸ. وسى زاڭعا بايلانىستى برەكزيتتٸ شەگەرۋدٸ سۇراعان دجونسون مۇنى ٶز ەركٸمەن ٸستەمەگەنٸن, تٸپتٸ بريۋسسەلگە جٸبەرگەن حاتقا ٶزٸ قول قويماعانىن تٷسٸندٸردٸ.
ەۋروداق برەكزيتتٸ 2020 جىلدىڭ 31 قاڭتارىنا دەيٸن ۇزارتقان, ال بريتان پارلامەنتٸ دجونسوننىڭ ۇسىنىسىمەن 12 جەلتوقسانعا قاۋىمدار پالاتاسىنىڭ مەرزٸمٸنەن بۇرىن سايلاۋىن بەلگٸلەپ قويعان.
پرەمەر ۋەدەسٸن ورىنداي الماعانىنا قاتتى ٶكٸنەتٸنٸن مەلٸمدەي وتىرا, بريتانييانىڭ ەۋروداقتان شىعۋى تۋرالى ەۋروداقپەن كەلٸسٸمگە قالاي بولعاندا دا بيىل قازان ايىندا قول جەتكٸزگەنٸن ايتتى. ول كونسەرۆاتورلاردى ٶزٸن قولداۋعا شاقىردى. ەگەر كٶپشٸلٸك داۋىس الا قالسا, بريتانييا وسى كەلٸسٸم بويىنشا ەۋروداقتان شىعادى, ەيتپەسە برەكزيت تاعدىرى بەيمەلٸم بوپ قالا بەرەدٸ دەپ سانايدى.
