Ulybritaniia Premer-ministri Boris Djonson Britaniiany qazannyń 31-ine deiin Eýrodaqtan shyǵaramyn degen ýádesin oryndai almaǵany úshin partiialastarynan keshirim surady. Konservatorlar partiiasy biyl jazda Djonsondy jetekshi etip sailaǵan edi, sonyń arqasynda ol Premer-ministr bolǵan.
Djonson buryn Brekzitti keiinge qaldyrýǵa "ólsem de jol bermeimin" dep ýáde bergen.
Djonson Brekzittiń taǵy da keiinge shegerilýin "zor ókinish" dep baǵalady. Jeksenbide Sky News telearnasyna bergen suqbatynda ol Brekzit tóńireginde qalyptasqan jaǵdaidan shyǵa almaǵanyn aitty. Britaniia parlamenti Brekzitti shegerýdi suraýǵa májbúrleitin arnaiy zań qabyldaǵan edi. Osy zańǵa bailanysty Brekzitti shegerýdi suraǵan Djonson muny óz erkimen istemegenin, tipti Briýsselge jibergen hatqa ózi qol qoimaǵanyn túsindirdi.
Eýrodaq Brekzitti 2020 jyldyń 31 qańtaryna deiin uzartqan, al britan parlamenti Djonsonnyń usynysymen 12 jeltoqsanǵa qaýymdar palatasynyń merziminen buryn sailaýyn belgilep qoiǵan.
Premer ýádesin oryndai almaǵanyna qatty ókinetinin málimdei otyra, Britaniianyń Eýrodaqtan shyǵýy týraly Eýrodaqpen kelisimge qalai bolǵanda da biyl qazan aiynda qol jetkizgenin aitty. Ol konservatorlardy ózin qoldaýǵa shaqyrdy. Eger kópshilik daýys ala qalsa, Britaniia osy kelisim boiynsha Eýrodaqtan shyǵady, áitpese Brekzit taǵdyry beimálim bop qala beredi dep sanaidy.
