دەموكراتتار اتىنان اقش پرەزيدەنتٸگٸنە كانديدات دجو بايدەن 6 قاراشادا پەنسيلۆانييا شتاتىندا 95 پايىز بيۋللەتەن سانالعان سوڭ قازٸرگٸ پرەزيدەنت دونالد ترامپتان 5 مىڭنان اسا داۋىسپەن العا شىقتى. قازٸر بۇل شتاتتا بايدەن 49,5 پايىز, ترامپ 49,3 پايىزبەن تۇر. شتاتتا ەلٸ بەس پايىز بيۋللەتەن سانالۋى كەرەك. 20 ەلەكتورالدى داۋىسقا يە پەنسيلۆانييا بايدەنگە داۋىس بەرسە, ول جەڭٸس ٷشٸن كەرەكتٸ 270 داۋىستى يەلەنٸپ, پرەزيدەنت بولىپ سايلانادى.
قازٸر بايدەندە سايلاۋشىلار القاسىنىڭ 253 داۋىسى, ترامپتا 214 داۋىسى بار.
بايدەن 6 قاراشا تاڭەرتەڭ ترامپ دجوردجييا شتاتىندا دا 1097 داۋىسپەن العا شىقتى. بۇل شتاتتا ەلٸ بٸر پايىز بيۋللەتەن سانالۋى تيٸس. دجوردجييا شتاتىندا 16 ەلەكتورالدى داۋىس بار.
بايدەن اريزونا, نەۆادا شتاتتارىندا دا الدا كەلەدٸ. بٸراق اريزونادا التى, نەۆادادا ون پايىز بيۋللەتەن ەلٸ سانالعان جوق. ترامپ سولتٷستٸك كارولينا مەن الياسكا شتاتىندا الدا كەلەدٸ.
ترامپتىڭ كومانداسى داۋىس ساناۋمەن كەلٸسپەي بٸرنەشە شاعىم تٷسٸرٸپ, بٸرنەشە شتاتتاعى داۋىس ساناۋدى توقتاتۋدى تالاپ ەتكەن. ساراپشىلار ترامپتىڭ سوتقا شاعىمى سايلاۋ نەتيجەسٸنە ەسەر ەتۋٸ ەكٸتالاي دەپ سانايدى.
5 قاراشادا ترامپ جۇرت الدىندا سٶز سٶيلەپ, دەموكراتتار "سايلاۋدى ۇرلاپ الۋعا تىرىستى" دەپ ايىپتادى, بٸراق ناقتى دەلەلدەر كەلتٸرمەدٸ. اقش-تىڭ بٸرنەشە تەلەارناسى ترامپ دەلەلسٸز مەلٸمدەمە جاساپ جاتقاندا ەفيردٸ ٷزٸپ تاستادى. سونداي-اق Twitter مەن Facebook ترامپ مەلٸمدەمەسٸنٸڭ ۆيدەوسىن "داۋلى كونتەنت" دەپ بەلگٸلەدٸ.
ال دجو بايدەن امەريكالىقتاردى شىدامدى بولۋعا شاقىرىپ, سايلاۋدا جەڭەتٸنٸنە سەنٸم بٸلدٸردٸ.
امەريكالىقتار 3 قاراشادا پرەزيدەنت سايلاۋىندا داۋىس بەردٸ. ميلليونداعان ادام ەرتە سايلاۋ كەزٸندە پوشتا, فاكس جەنە ەلەكتروندى پوشتا ارقىلى داۋىس بەردٸ. اقش-تا حالىق پرەزيدەنتتٸ تٸكەلەي سايلامايدى, ولار ەر شتاتتىڭ حالقىنىڭ سانىنا بايلانىستى قۇرىلعان سايلاۋشىلار القاسى ارقىلى داۋىس بەرەدٸ. ٷمٸتكەر پرەزيدەنت بولۋ ٷشٸن سايلاۋشىلار القاسىنداعى 538 داۋىستىڭ كەمٸندە 270-ٸن الۋى كەرەك.
