ميحايل گورباچەۆ اقش پرەزيدەنتٸ ٷلكەن دجوردج بۋشپەن بٸرگە وتىر.
سوۆەت وداعىنىڭ سوڭعى باسشىسى ميحايل گورباچەۆتىڭ قايتىس بولعانى جٶنٸندە ەلەمنٸڭ كٶپتەگەن ساياساتكەرٸ پٸكٸر بٸلدٸردٸ. بۇقارالىق اقپارات قۇرالدارى گورباچەۆتىڭ پورترەتٸن باس بەتكە ٸلٸپ جاتىر. ال رەداكتسييالىق باعانداردا وعان ماداق ايتقاندار كٶپ, دەپ حابارلايدى ازاتتىق.
اقش پرەزيدەنتٸ دجو بايدەن گورباچەۆتى "سيرەك كەزدەسەتٸن ليدەر", "جارقىن بولاشاقتى كٶرە الاتىن, سول ٷشٸن مانسابىن قاتەرگٸ تٸگۋگە باتىلى جەتكەن ادام" رەتٸندە سيپاتتادى. ونىڭ وسى "باتىلدىعى ارقاسىندا ەلەم قاۋٸپسٸزدەۋ بولا تٷستٸ, ميلليونداعان ادام ەركٸندٸككە قول جەتكٸزدٸ" دەدٸ ول.
بۇۇ باس حاتشىسى انتونيۋ گۋتتەريش ميحايل گورباچەۆتى ەلەم تاريحىنىڭ باعىتىن ٶزگەرتكەن ادام دەپ اتادى. ونىڭ سٶزٸنشە, قىرعي-قاباق سوعىسىنىڭ اياقتالۋىنا گورباچەۆتەي ٷلەس قوسقان ادام جوق.
ۇلىبريتانييا پرەمەر-مينيسترٸ بوريس دجونسون گورباچەۆتىڭ قىرعي-قاباق سوعىستى بەيبٸتشٸلٸككە ۇلاستىرۋداعى تٸك مٸنەزدٸگٸ مەن باتىلدىعىنا ەردايىم تامسانعانىن ايتتى.
"پۋتيننٸڭ ۋكرايناداعى اگرەسسيياسى تۇسىندا ونىڭ سوۆەت قوعامىن اشىق ەتۋگە دەگەن تالپىنىسى بٸز ٷشٸن ەردايىم ٷلگٸ بولماق" دەپ جازدى ول.
فرانتسييا پرەزيدەنتٸ ەممانۋەل ماكروننىڭ سٶزٸنشە, گورباچەۆتىڭ ەۋروپاداعى بەيبٸتشٸلٸككە ۇمتىلىسى تاريحتى ٶزگەرتٸپ, رەسەيلٸكتەرگە ەركٸندٸك جولىن اشقان.
ال نەمٸس ساياساتكەرلەرٸ گورباچەۆتىڭ بەرلين قابىرعاسىن قۇلاتۋداعى ٷلەسٸن اتاپ ٶتٸپ جاتىر. "شىعىس بلوك ەلدەرٸندەگٸ بەيبٸت رەۆوليۋتسييالاردى, سونىڭ ٸشٸندە بٸزدەگٸنٸ گورباچەۆسىز ەلەستەتۋ مٷمكٸن ەمەس" دەدٸ بۋندەستاگ ۆيتسە-پرەزيدەنتٸ كاترين گيورينگ-ەككاردت.
"گورباچەۆ بٸزگە ەركٸندٸك بەردٸ. رەسەي مەن ونىڭ اينالاسىنداعى جٷزدەگەن ميلليون ادامعا, سونداي-اق ەۋروپانىڭ جارتىسىنا ەركٸندٸك سىيلادى. وسى ەركٸندٸكتٸ, ۇلى مٷمكٸندٸكتٸ بٸز رەسەيدە قالاي پايدالانعانىمىز – بٸزدٸڭ جاۋاپكەرشٸلٸگٸمٸز" دەدٸ رەسەيلٸك ساياساتكەر, "يابلوكو" پارتيياسىنىڭ نەگٸزٸن قالاۋشى, 1990 جىلى رسفسر مينيسترلەر كەڭەسٸ تٶراعاسىنىڭ ورىنباسارى بولعان گريگوريي ياۆلينسكيي.
گورباچەۆتى ەلەمنٸڭ كەز كەلگەن ەلٸندە قۇشاق جايا قارسى الاتىن ەدٸ, بٸراق ول سىناۋشىلارى كٶپ رەسەيدە قالدى دەيدٸ ياۆلينسكيي.
