19 اقپان كٷنٸ ميۋنحەندەگٸ قاۋٸپسٸزدٸك جٶنٸندەگٸ دەستٷرلٸ جيىندا سٶيلەگەن اقش پرەزيدەنتٸ دجو بايدەن امەريكا ەلەم ارەناسىنا, ترانساتلانتيكا وداعىنا قايتا ورالدى دەپ مەلٸمدەدٸ.
ول ۆاشينگتوننىڭ ەۋروپامەن ەرٸپتەستٸكتٸ جالعاستىرۋعا مٷددەلٸ ەكەنٸن ايتتى. "دەموكراتييا جوق جەردەن ٶزدٸگٸنەن پايدا بولمايدى جەنە ول اۆتوكراتييانى جەڭۋٸ تيٸس" دەدٸ بايدەن.
اقش پرەزيدەنتٸ ٶز سٶزٸندە رەسەيدٸڭ اقش, ەۋروپا مەن ٶزگە دە ەلدەردەگٸ دەموكراتييانى شايقالتۋدى كٶزدەيتٸن تەرٸس پيعىلمەن قارەكەت جاساعانىن ايتتى. كرەمل بۇعان دەيٸن ونداي ايىپتاۋلاردى تەرٸستەپ كەلگەن.
بايدەن اقش-تىڭ ەۋروپاداعى وداقتاستارىن ۆاشينگتوننىڭ ۇستانىمىن قولداۋعا شاقىردى. ول سونمەن بٸرگە اقش پەن رەسەي اراسىنداعى يادرولىق قارۋ-جاراقتى قىسقارتۋ تۋرالى كەلٸسٸمنٸڭ ۇزارتىلۋىن وڭ باعالايتىنىن ايتتى.
اقش پرەزيدەنتٸ ۆاشينگتوننىڭ ۋكراينا جەرٸنٸڭ تۇتاستىعىن قولدايتىن ۇستانىمىنان اينىمايتىنىن مەلٸمدەدٸ.
ميۋنحەندەگٸ جيىنداعى ٶز سٶزٸندە بايدەن اقش-تىڭ دٷنيەجٷزٸلٸك دەنساۋلىق ساقتاۋ ۇيىمىنىڭ ەلەم ەلدەرٸنە كوروناۆيرۋسقا قارسى ۆاكتسينانى ەدٸلەتتٸ ٷلەستٸرۋدٸ كٶزدەيتٸن سOVAX حالىقارالىق باعدارلاماسىنا ەكٸ ميلليارد دوللار بٶلەتٸنٸن ايتتى. COVAX باعدارلاماسى كەدەي ەلدەرگە كوروناۆيرۋسقا قارسى ۆاكتسينامەن جەردەم كٶرسەتۋ ماقساتىندا قابىلدانعان.
جۇما كٷنٸ دجو بايدەن ميۋنحەندەگٸ قاۋٸپسٸزدٸك جٶنٸندەگٸ جيىننان باسقا "ٷلكەن جەتٸلٸك" (G7) ەلدەرٸنٸڭ ونلاين جيىنىندا دا سٶيلەگەن. G7 قۇرامىنا اقش-پەن بٸرگە ۇلىبريتانييا, گەرمانييا, يتالييا, كانادا, فرانتسييا مەن جاپونييا ەنەدٸ. بۇرىن ونىڭ قۇرامىندا رەسەي دە بولعان كەزدە G8 دەپ اتالاتىن. 2014 جىلى رەسەي ۋكراينا قۇرامىنداعى قىرىم تٷبەگٸن اننەكسييالاپ العاننان كەيٸن ٶزگە ەلدەر ونى بۇل توپتان شىعارعان.
