امەريكا قۇراما شتاتتارىندا ٶتٸپ جاتقان پرەزيدەنت سايلاۋىندا دەموكراتييالىق پارتييا اتىنان باق سىناعان دجو بايدەن 7 قاراشادا پەنسيلۆانييا شتاتىندا قازٸرگٸ پرەزيدەنت دونالد ترامپتان باسىم تٷستٸ.
وسىلايشا, ول اقش پرەزيدەنتٸ اتانۋعا قاجەت داۋىستى جيناپ وتىر.
CNN مەن AP مەلٸمەتٸنشە, سايلاۋ بارىسىندا 77 جاستاعى بايدەن تاڭداۋشىلاردىڭ 273 داۋسىن جيناپ, اقش-تىڭ قازٸرگٸ پرەزيدەنتٸ, رەسپۋبليكالىق پارتييا ٷمٸتكەرٸ دونالد ترامپتى باسىپ وزعان.
پرەزيدەنت اتانۋ ٷشٸن كانديدات كەم دەگەندە 270 داۋىس جيناۋى تيٸس. بايدەن پەنسيلۆانييا شتاتىندا ٶزٸنە جەتپەي تۇرعان داۋىس كٶلەمٸن جيناپ, قارسىلاسىنان قارا ٷزٸپ كەتتٸ. ول اراداعى الشاقتىقتى 31 مىڭ داۋىسقا دەيٸن ارتتىرعان.
الايدا پەنسيلۆانييا مەن داۋىس بەرۋ ەلٸ تٷبەگەيلٸ اياقتالماعان دجوردجييا, نەۆادا مەن اريزونا شتاتىندا دا الدا كەلەدٸ.
بايدەن Twitter-دە سايلاۋشىلارىنا العىس بٸلدٸرٸپ, بارلىق امەريكالىقتاردىڭ پرەزيدەنتٸ بولۋعا ۋەدە بەردٸ.
بايدەننٸڭ پرەزيدەنت سايلاۋىنداعى قارسىلاسى, اقش-تىڭ قازٸرگٸ پرەزيدەنتٸ دونالد ترامپ جەڭٸلگەنٸن ەلٸ مويىنداعان جوق. مۇنىڭ الدىندا ول Twitter-دە جەڭٸسكە جەتكەنٸن مەلٸمدەگەن ەدٸ.
ترامپتىڭ زاڭگەرلەرٸ داۋىس ايىرماشىلىعى ماردىمسىز بولعان پەنسيلۆانييا, ميچيگان, دجوردجييا سيياقتى شتاتتاردا داۋىستاردى قايتا ساناتقىزۋى ىقتيمال.
سايلاۋشىلار القاسى پرەزيدەنتتٸ 14 جەلتوقساننان كەيٸن رەسمي تٷردە سايلاۋى تيٸس.
ال, پرەزيدەنتتٸڭ مەرزٸمٸ كەلەر جىلدىڭ 20 قاڭتارىندا باستالادى.
ايتا كەتۋ كەرەك, بۇل سايلاۋدا دجو بايدەن اقش تاريحىندا وسى لاۋازىمعا ٷمٸتكەر بولعان بٷكٸل كانديداتتان كٶپ داۋىس جينادى. AP مەلٸمەتٸنە سەنسەك, قازٸرگٸ تاڭدا سانالعان بيۋللەتەندەردٸڭ 74,8 ميلليونى بايدەنگە داۋىس بەرگەن. ال 70,5 ميلليون سايلاۋشى دونالد ترامپتى قولداعان.
امەريكانىڭ ەكس-پرەزيدەنتٸ باراك وباما 2008 جىلى 66 ميلليون داۋىس جيناسا, قازٸرگٸ پرەزيدەنت دونال ترامپ 2016 جىلى 62 ميلليون سايلاۋشىنىڭ سەنٸمٸنە يە بولعان ەدٸ. دەمەك, بايدەن بۇعان دەيٸنگٸ رەكوردتىڭ بەرٸنەن باسىم تٷسٸپ وتىر. دەگەنمەن ەرەجە بويىنشا پرەزيدەنت سايلاۋىنىڭ جەڭٸمپازى سايلاۋشىلاردىڭ ەمەس, تاڭداۋشىلاردىڭ داۋسىنا قاراي بەلگٸلٸ بولادى.
2009 جىلى دجو بايدەن امەريكانىڭ 47-شٸ ۆيتسە-پرەزيدەنتٸ اتانىپ, باراك وبامامەن بٸرگە قىزمەتٸنە كٸرٸسكەن بولاتىن. ول 2017 جىلعا دەيٸن وسى لاۋازىمدا ەڭبەك ەتتٸ. وعان دەيٸن بايدەن 35 جىل بويى دەلاۆەر شتاتى اتىنان سەناتور بولعان.
