كەسٸپقوي بوكسشى دانييار ەلەۋسٸنوۆ (8-0, 4كو) كەلەسٸ جەكپە-جەگٸن 20 جەلتوقساندا ٶتكٸزەدٸ, دەپ حابارلايدى "ۇلت اقپارات".
«قازاقستان كەسٸپقوي بوكسى» ۆكونتاكتە-پاراقشاسىندا مەلٸم ەتكەندەي, ريو وليمپياداسىنىڭ چەمپيونى شارشى الاڭعا جاڭا جىلدىڭ الدىندا شىعادى.
«ەلەۋسٸنوۆتٸڭ ٸسٸمەن اينالىساتىن كومپانييانىڭ مەنەدجەرٸ زييا اليەۆتەن الىنعان اقپاراتقا سەيكەس, ەلەۋسٸنوۆ لاس-ۆەگاستاعى كەسٸپقوي بوكس كەشٸ اياسىندا ايقاس ٶتكٸزەدٸ. كەشتٸڭ باستى وقيعاسى - دەنيەل دجەيكوبس پەن كٸشٸ حۋليو سەزار چاۆەس اراسىنداعى جەكپە-جەك. ٸس-شارا 20 جەلتوقساندا «MGM Grand»-تە ٶتەدٸ. دانييار ەلەۋسٸنوۆ ون راۋندتىق جەكپە-جەك ٶتكٸزەدٸ. بوكسشىنىڭ قارسىلاسى ەزٸرگە بەلگٸسٸز», - دەلٸنگەن حابارلامادا.
ايتا كەتسەك, دانييار ەلەۋسٸنوۆ بۇعان دەيٸن جانكٷيەرلەرٸنە سىي دايىنداپ جاتقانىن مەلٸم ەتكەن بولاتىن.
وليمپيادا چەمپيونى سوڭعى جەكپە-جەگٸن 14 قىركٷيەك كٷنٸ ٶتكٸزٸپ, امەريكالىق رەشارد حيكستٸ (12-1-1, 6كو) بٸرٸنشٸ راۋندتا نوكاۋتقا جٸبەرگەن ەدٸ.
كەسٸپقوي رينگتەگٸ 8-ٸنشٸ جەڭٸسٸنەن كەيٸن ەلەۋسٸنوۆ ەلەمدٸك رەيتينگتە توعىز ساتىعا جوعارىلاپ, 161-دەن 152-ٸنشٸ ورىنعا جايعاستى.
