قازاقستان-قىتاي كينوفەستيۆالٸنٸڭ اشىلۋ سالتاناتىنا ارنايى كەلگەن قىتايلىق تانىمال اكتەر دجەكي چان ديماش قۇدايبەرگەننٸڭ كينوعا تٷسۋٸ جايىندا ٶز ويىن بٸلدٸردٸ, دەپ حابارلايدى قازاقپارات.
دجەكي چان كينوفەستيۆالٸنٸڭ اشىلۋ سالتاناتىنا ارنالعان باسپاسٶز مەسليحاتىندا قازاقپارات اگەنتتٸگٸنٸڭ سۇراعىنا: «تەلەديداردان ديماشتىڭ كەرەمەت داۋىسىن ەستٸپ, جاس تالانتتىڭ ٶنەرٸنە تەنتٸ بولدىم. كەيٸن ول مەنٸڭ فاناتىم ەكەنٸن بٸلدٸم. ەرينە, مەن ونى كينو سالاسىندا ٶتە تاماشا اكتەر بولادى دەپ ويلايمىن», - دەپ جاۋاپ قايتاردى.
بٷگٸن استانا قالاسىنداعى قازمەديا ورتالىعىندا «قازاقستان-قىتاي كينوفەستيۆالٸنٸڭ» اشىلۋ سالتاناتى ٶتٸپ جاتىر. كەشتٸڭ قۇرمەتتٸ قوناعى رەتٸندە وسكار سىيلىعىنىڭ يەگەرٸ, ەلەمگە تانىمال قىتايلىق اكتەر دجەكي چان كەلٸپ وتىر.
ەسكە سالا كەتەيٸك, ەلەمدٸك اكتەر, كاسكاديور, كينورەجيسسيور, كينوپروديۋسەر, ستسەناريست, ەنشٸ, ميلليونداعان كٶرەرمەننٸڭ سٷيٸكتٸسٸنە اينالعان اڭىز ادام - دجەكي چان كەشە العاش رەت استاناعا كەلدٸ. شارانىڭ باستى ۇيىمداستىرۋشىلارى - «قازاقستان» رەسپۋبليكالىق تەلەراديوكورپوراتسيياسى مەن قحر باسپاسٶز, باسپا, راديو, كينو جەنە تەلەۆيزييا ٸسٸ جٶنٸندەگٸ مەملەكەتتٸك باسقارماسى.
ايتا كەتۋ كەرەك, 7-18 ماۋسىم ارالىعىندا استانادا ٶتەتٸن قىتاي كينوسى فەستيۆالٸ اياسىندا ەلوردالىقتار مەن قالا قوناقتارى «ٸلە ٶزەنٸ», «شىنايى ماحاببات», «گٷلٸم», «قاتەرلٸ ٸسٸك مىرزا, كەتٸڭٸز», «قاسقىر توتەمٸ» سىندى تۋىندىلاردى تاماشالاي الادى.
ايتا كەتەيٸك, قىتايدا Singer 2017 ەن بايقاۋىنا قاتىسقان قازاقستاندىق ەنشٸ ديماش قۇدايبەرگەن ەيگٸلٸ كينو اكتەرٸ دجەكي چانمەن كەزدەسٸپ, قازاقي شاپان كيگٸزگەن بولاتىن.
بۇدان سوڭ ديماش ينستاگرام پاراقشاسىنا «بٷگٸن مەنٸڭ ٶمٸرٸمدە تاريxي ەستە قالاتىن ەرەكشە كٷن. اتاقتى اكتەر دجەكي چان مىرزا مەنٸ تەلەديداردان كٶرٸپ, كەزدەسۋگە شاقىردى. كەزدەسۋدە اكتەر ماعان ٶزٸنٸڭ ەكسكليۋزيۆتٸ كٷرتەشەسٸن جەنە ارنايى فيرمالىق ەن تىڭداۋ قۇرىلعىسىن سىيعا تارتتى. ال مەن اكتەرگە قازاقتىڭ شاپانىن جاۋىپ, دومبىرانى سىيعا تارتتىم. دومبىرامەن بٸر كٷي شەرتٸپ بەرۋٸمدٸ ٶتٸنگەن دجەكي چانعا نۇرعيسانىڭ «ەلقيساسىنان» شاشۋ شاشتىم! ٶز كەزەگٸندە اكتەر ماعان سوڭعى «Kung Fu Yoga» كينوكارتيناسىنداعى بي قيمىلدارىن ٷيرەتتٸ. بالا كەزٸمنەن بەرٸ كەلە جاتقان سٷيٸكتٸ اكتەرٸم ماعان ٶز اقىل كەڭەستەرٸن بەرٸپ, شىعارماشىلىعىمدى باقىلايتىنىن ايتتى. سٶز سوڭىندا, بارشا قازاقستان xالقىن جاڭا جىل مەرەكەسٸمەن قۇتتىقتاپ, ەدەمٸ لەبٸز-تٸلەگٸن بٸلدٸردٸ. كەلەسٸ كەزدەسۋدٸ اسىعا كٷتەمٸز. ارماندار ورىندالادى!», - دەپ جازدى.
