«اتامەكەن» ۇكپ باسقارما تٶراعاسى ابىلاي مىرزاحمەتوۆ قازاقستاندا تٶتەنشە جاعداي رەجيمٸنٸڭ مامىرعا دەيٸن سوزىلۋىن جاقسى حابار رەتٸندە قابىلداعانىن مەلٸم ەتتٸ, دەپ حابارلايدى قازاقپارات.
«مەنٸڭشە, بۇل - ٶتە دۇرىس شەشٸم. ٶيتكەنٸ ساراپشىلاردىڭ بەرٸنٸڭ وسىعان دەيٸن ورتا ەسەپپەن 15 مامىرعا دەيٸن تٶتەنشە جاعداي اياقتالادى دەگەن بولجامى بولعان ەدٸ. پرەزيدەنت 11 مامىردان باستاپ تٶتەنشە جاعداي رەجيمٸ اياقتالاتىنىن ايتتى. بۇل - جاقسى حابار», - دەدٸ ابىلاي مىرزاحمەتوۆ ۇلتتىق كەسٸپكەرلەر پالاتاسىنىڭ Facebook پاراقشاسىندا ونلاين رەجيمدە سٶيلەگەن سٶزٸندە.
پالاتا باسشىسى دەگەنمەن قاۋٸپ بارىن ۇمىتپاۋ كەرەكتٸگٸن دە تٸلگە تيەك ەتتٸ.
«سونداي-اق 1 مامىردان باستاپ نۇر-سۇلتان مەن الماتى قالالارىندا ەۋە رەيستەرٸ ٸسكە قوسىلاتىنى ايتىلدى. وسىعان دەيٸن مەديتسينا ماماندارى ادامداردىڭ اراسىنداعى ەكٸ مەترلٸك قاشىقتىقتىڭ ساقتالۋى كەرەكتٸگٸن سانامىزعا قۇيدى. ادامدار بۇل رەتتە ۇشاققا ماسكا كيٸپ كەلۋٸ كەرەك. ولاردىڭ تەمپەراتۋراسى ٶلشەنەدٸ. مەنٸڭ ويىمشا, وسى تەرتٸپتٸڭ بەرٸن ساقتاۋ ٷشٸن بەلكٸم بٸر سانيتارلىق سەرتيفيكات تاپسىرۋ مەسەلەسٸن قولعا الۋ كەرەك بولار. ٶيتكەنٸ جاۋاپكەرشٸلٸكپەن بٸرگە ونى قاداعالايتىن دا ەرەجە بولۋى تيٸس. وسىنىڭ بەرٸن تۇتىنۋشىلار, ولارعا قىزمەت كٶرسەتۋشٸلەر, تاۋار ساتۋشىلار جەنە كەسٸپكەرلەر – بەرٸمٸز ناقتى ساقتايتىن بولساق, قاۋٸپتٸ دەرتتٸڭ ارى قاراي اسقىنۋىنا جول بەرمەيمٸز», - دەدٸ ول.
ەسكە سالا كەتسەك قر پرەزيدەنتٸ قاسىم-جومارت توقاەۆ تٶتەنشە جاعداي رەجيمٸن بيىلعى 11 مامىرعا دەيٸن ۇزارتۋ جٶنٸندە شەشٸم قابىلدادى. بۇل تۋرالى مەملەكەت باسشىسى بٷگٸنگٸ مەلٸمدەمەسٸندە ايتقان بولاتىن.
