قر دەنساۋلىق ساقتاۋ مينيسترلٸگٸنٸڭ سانيتارييالىق-ەپيدەميولوگييالىق باقىلاۋ كوميتەتٸ Wedrink ٶنٸمدەرٸنە قاتىستى جاعدايعا تٷسٸنٸكتەمە بەردٸ, دەپ حابارلايدى ult.kz.
ۆەدومستۆونىڭ مەلٸمەتٸنشە, بۇل ساناتتاعى سۋسىنداردىڭ قۇرامىندا قانت مٶلشەرٸ جوعارى قويۋ شەرباتتار بار. سوندىقتان ولاردى شامادان تىس تۇتىنۋ ادام اعزاسىنا كەرٸ ەسەر ەتۋٸ مٷمكٸن.
مينيسترلٸك ٶكٸلدەرٸ مۇنداي ٶنٸمدەردٸ كٶپ ٸشۋ اسقازاندا اۋىرلىق تۋعىزىپ, قانداعى قانت دەڭگەيٸنٸڭ كٶتەرٸلۋٸنە ىقپال ەتەتٸنٸن ايتتى. ەسٸرەسە بالالار مەن جاسٶسپٸرٸمدەرگە مۇنداي سۋسىنداردى شەكتەن تىس پايدالانباۋعا كەڭەس بەرٸلدٸ.
سونىمەن قاتار دەنساۋلىق ساقتاۋ مينيسترلٸگٸ Wedrink ٶنٸمدەرٸنە بايلانىستى جاپپاي تاعامنان ۋلانۋ دەرەكتەرٸ تٸركەلمەگەنٸن مەلٸمدەدٸ.
«كوميتەتكە جەنە ونىڭ اۋماقتىق دەپارتامەنتتەرٸنە Wedrink برەندٸ ٶنٸمدەرٸن تۇتىنۋعا بايلانىستى جاپپاي ۋلانۋ تۋرالى شاعىمدار تٷسكەن جوق. سونداي-اق ٶڭٸرلەردەگٸ ينفەكتسييالىق ستاتسيونارلارمەن بٸرلەسٸپ, ۋلانۋ جاعدايلارىنا تالداۋ جٷرگٸزٸلدٸ. نەتيجەسٸندە Wedrink ٶنٸمٸنە قاتىستى ۋلانۋ فاكٸلەرٸ انىقتالعان جوق», — دەلٸنگەن كوميتەت جاۋابىندا.
ۆەدومستۆو ٶكٸلدەرٸ ەگەر ناقتى راستالعان جاعدايلار بولسا, ازاماتتار مەديتسينالىق قۇجاتتار مەن ٶزگە دە دەلەلدەردٸ ۇسىنا وتىرىپ, اۋماقتىق بٶلٸمشەلەرگە جٷگٸنۋٸ قاجەت ەكەنٸن اتاپ ٶتتٸ.
