فوتو: Pexels.com
قازاقستان رەسپۋبليكاسى دەنساۋلىق ساقتاۋ مينيسترلٸگٸ ەمحانالاردى قارجىلاندىرۋ تەرتٸبٸن نە ٷشٸن ٶزگەرتكەنٸن تٷسٸندٸردٸ, دەپ حابارلايدى Ult.kz.
رەفورمانىڭ نەگٸزگٸ ماقساتى — مەديتسينالىق كٶمەكتٸڭ ساپاسىن ارتتىرىپ, قارجىنى ناقتى قىزمەت كٶرسەتٸلگەن جەرگە باعىتتاۋ.
بۇعان دەيٸن ەمحانالار ازاماتتاردىڭ ناقتى قارالعان-قارالماعانىنا قاراماستان, تەك تٸركەلگەن ادامدار سانىنا قاراي قارجى الىپ كەلگەن. سونىڭ سالدارىنان 4 ميلليوننان استام ادام (شامامەن 22%) مەديتسينالىق كٶمەككە جٷگٸنبەسە دە, ولار ٷشٸن بيۋدجەتتەن قارجى بٶلٸنگەن.
مامانداردىڭ ايتۋىنشا, بۇل جٷيە پروفيلاكتيكانىڭ ەلسٸرەۋٸنە ەكەلگەن. كٶپ جاعدايدا ازاماتتار دەرٸگەرگە تەك جاعدايى اسقىنعاندا عانا قارالادى. قازٸرگٸ تاڭدا ستاتسيونارعا جاتقىزىلاتىن ەر 10 جاعدايدىڭ 7-ەۋٸ شۇعىل تٷردە جٷزەگە اسادى, ال ولاردىڭ بٸر بٶلٸگٸن ەمحانا دەڭگەيٸندە الدىن الۋعا بولار ەدٸ.
جاڭا تەرتٸپ بويىنشا, ەگەر پاتسيەنت بٸر جىلدان استام ۋاقىت ەمحاناعا جٷگٸنبەسە, وعان بٶلٸنەتٸن تاريف ازداپ تٶمەندەتٸلەدٸ. الايدا بۇل شارا جازالاۋ ەمەس — قارجىلاندىرۋدىڭ نەگٸزگٸ بٶلٸگٸ ساقتالادى. باستى ماقسات — ەمحانالاردى پاتسيەنتتەرمەن بەلسەندٸ جۇمىس ٸستەۋگە ىنتالاندىرۋ.
ەندٸ مەديتسينالىق ۇيىمدار ازاماتتاردى پروفيلاكتيكالىق تەكسەرۋلەرگە جيٸ شاقىرىپ, سكرينينگتەر تۋرالى ەسكەرتٸپ, سوزىلمالى اۋرۋلاردى تۇراقتى باقىلاۋعا كٶبٸرەك كٶڭٸل بٶلەدٸ. بۇل اۋرۋلاردى ەرتە انىقتاپ, ەمدەۋدٸ جەڭٸلدەتۋگە مٷمكٸندٸك بەرەدٸ.
سونداي-اق, مەديتسينا قىزمەتكەرلەرٸنە ناقتى نەتيجەلەر ٷشٸن قوسىمشا تٶلەمدەر قاراستىرىلعان. اتاپ ايتقاندا, ونكولوگييالىق اۋرۋلاردى, تۋبەركۋلەزدٸ ەرتە انىقتاۋ جەنە سوزىلمالى دەرتتەردٸ باقىلاۋ كٶرسەتكٸشتەرٸ ەسكەرٸلمەك. وسىلايشا, جٷيە بٸرتٸندەپ كٶرسەتٸلگەن قىزمەتتٸڭ سانىنا ەمەس, ساپاسى مەن نەتيجەسٸنە قاراي قارجىلاندىرۋعا كٶشۋدە.
ايتا كەتەيٸك, كەيبٸر جەكەمەنشٸك ەمحانالار جاڭا ٶزگەرٸستەرمەن كەلٸسپەي, تابىستىڭ تٶمەندەۋٸنەن قاۋٸپتەنٸپ, سوتقا جٷگٸنگەن.
مينيسترلٸك ٶكٸلدەرٸ بۇل رەفورمالار كەزەڭ-كەزەڭٸمەن جٷزەگە اسىرىلىپ جاتقانىن اتاپ ٶتتٸ. 2024 جىلدان باستاپ جوسپارلى ەمدەۋگە جاتقىزۋ ٷشٸن قاجەتتٸ تەكسەرۋلەر سانى قىسقارتىلىپ, دەرٸگەرلەردٸڭ جٷكتەمەسٸ وڭتايلاندىرىلعان. سونىمەن قاتار مەيٸرگەرلەردٸڭ ٶكٸلەتتٸگٸ كەڭەيتٸلٸپ, دەرٸگەرلەرگە پاتسيەنت قابىلداۋعا كٶبٸرەك ۋاقىت بٶلٸنگەن.
2025 جىلدىڭ سەۋٸرٸنەن باستاپ ەڭبەكاقى تٶلەۋ مودەلٸ دە جاڭارتىلدى. ەندٸ مەديتسينا قىزمەتكەرلەرٸنٸڭ تابىسى انا مەن نەرەستە ٶلٸمٸن ازايتۋ, جٷرەك-قانتامىر اۋرۋلارىنىڭ الدىن الۋ جەنە قاۋٸپتٸ دەرتتەردٸ ەرتە انىقتاۋ نەتيجەلەرٸنە بايلانىستى بولادى.
ۆەدومستۆونىڭ مەلٸمەتٸنشە, حالىقپەن بەلسەندٸ جۇمىس جٷرگٸزگەن جاعدايدا بٸر ۋچاسكەگە بٶلٸنەتٸن قارجى كٶلەمٸ توقسانىنا 344 مىڭ تەڭگەدەن 700 مىڭ تەڭگەگە دەيٸن ارتقان.
مينيسترلٸك بۇل ٶزگەرٸستەردٸڭ بارلىعى اۋرۋلاردىڭ الدىن الۋ, اسقىنۋلاردى ازايتۋ جەنە حالىقتىڭ ٶمٸر سٷرۋ ساپاسىن ارتتىرۋعا باعىتتالعان جاڭا مودەلگە كٶشۋ اياسىندا قولعا الىنعانىن مەلٸمدەدٸ.
