تەۋەلسٸز مەملەكەتتەر دوستاستىعى ەلدەرٸنٸڭ ساۋدا-ەكونوميكالىق بايلانىستارىن جانداندىرۋ قاجەت. بۇل تۋرالى تمد ۇيىمىنا مٷشە مەملەكەتتەر باسشىلارى كەڭەسٸنٸڭ كەزەكتٸ وتىرىسىندا قازاقستان پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات.
«ساۋدا-ەكونوميكالىق ىنتىماقتاستىقتى جانداندىرىپ, ۇلعايتۋ بٸرٸنشٸ كەزەكتٸ مٸندەت. بٸرقاتار بەدەلدٸ حالىقارالىق ۇيىمنىڭ مەلٸمەتٸ بويىنشا تمد مەملەكەتتەرٸنٸڭ ٶڭٸرشٸلٸك تاۋار اينالىمى 91 ملرد دوللاردى نەمەسە ەلەمدٸك ساۋدا دەڭگەيٸنٸڭ 0,5 پايىزىن عانا قۇرايدى. بۇل رەتتە دوستاستىق ەلدەرٸنٸڭ ٶزارا ساۋدا ٷلەسٸ بٸزدٸڭ مەملەكەتتەرٸمٸزدٸڭ سىرتقى ەلەممەن جالپى تاۋار اينالىمىنىڭ شامامەن 20 پايىزىن الىپ وتىر», - دەدٸ قاسىم-جومارت توقاەۆ.
قر پرەزيدەنتٸنٸڭ اتاپ ٶتۋٸنشە, بۇل كٶرسەتكٸشتەر دوستاستىق ەلدەرٸ ساۋدا-ەكونوميكالىق بايلانىستى ايتارلىقتاي ارتتىرۋى ٷشٸن مول ەلەۋەتتٸڭ بار ەكەنٸن كٶرسەتەدٸ.
«سوندىقتان ەكونوميكالىق ٶزارا ٸس-قيمىلدىڭ قازٸرگٸ ەدٸستەرٸن وي ەلەگٸنەن ٶتكٸزٸپ, جەتٸلدٸرۋ ٷشٸن بٸرلەسكەن ٷلكەن جۇمىس اتقارۋ قاجەت»,- دەدٸ مەملەكەت باسشىسى.
