اتىراۋ وبلىسىنىڭ ەكٸمٸ ماحامبەت دوسمۇحامبەتوۆ كٶشپەلٸ قۇمنان قۇتىلا الماي وتىرعان اۋىلداردىڭ مەسەلەسٸن شەشۋ جولىن ۇسىندى, دەپ حابارلايدى Sputnik قازاقستان.
ورتالىق كوممۋنيكاتسييالار قىزمەتٸندە ٶتكەن ونلاين بريفينگتە حالىق تاراپىنان قۇم قۇرساۋىندا وتىرعان اۋىلدارعا قاتىستى سۇراق قويىلدى.
"قۇرمانعازى اۋدانىنا قاراسى ٷشتاعان اۋىلىنىڭ شەتكٸ ٷيلەرٸن قۇم باسىپ جاتىر. اۋىل حالقى الاڭداپ وتىر. بۇل پروبلەمانى بٸلمەيتٸن شىعارسىز. ٶيتكەنٸ ازعىر ٶڭٸرٸ - وبلىستىڭ ەڭ شالعاي تۇسى ەرٸ جولى ناشار. وسى مەسەلەنٸ انىقتاپ, شەشۋ جولدارىن قاراستىراسىز با?", – دەدٸ ايان شاياحمەتوۆ.
وبلىس باسشىسى ول پروبلەما جايىندا بٸلەتٸنٸن ايتتى. جاقىندا دەل وسى اۋدانعا ٸسساپارمەن بارىپ كەلگەن.
"مەن ول پروبلەمانى بٸلمەيدٸ ەمەس, بٸلەمٸن. نەگە دەسەڭٸز, بٸر اي بۇرىن قۇرمانعازى اۋدانىنا بارىپ, ازعىر ٶڭٸرٸن ارالادىم, اۋىلداردىڭ جاعدايىمەن تانىستىم. سول كەزدە ٷشتاعان اۋىلىندا دا بولدىم. شىنىمەن دە, پروبلەما بار. قۇم اۋىلدى قورشاپ الدى. شەتكٸ ٷيلەردٸ بٷگٸن باسپاسا دا, كەلەسٸ جىلى باسۋى مٷمكٸن", – دەدٸ دوسمۇحامبەتوۆ.
ەكٸمنٸڭ ايتۋىنشا, بۇرىن باسقا اۋىلداردا وسىنداي جاعدايدا سەكسەۋٸل ەگٸپ, كٶشپەلٸ قۇمدى توقتاتاتىن.
"سوندىقتان وعان قاتىستى جوبالىق-سمەتالىق قۇجاتتار جاسالۋى كەرەك. اقشاسىن بٶلٸپ, سەكسەۋٸل ەگۋ كەرەك. سٶيتٸپ, وسى مەسەلەنٸ شەشەتٸن ويىمىز بار. ەندٸ, ول تەك ٷشتاعاننىڭ مەسەلەسٸ عانا ەمەس. شالعاي جاتقان باسقا دا اۋىلدار بار", – دەپ اتاپ كٶرسەتتٸ دوسمۇحامبەتوۆ.
وبلىس باسشىسى ٷكٸمەتپەن قارجى بٶلۋ مەسەلەسٸن تالقىلاپ جاتقانىن جەتكٸزدٸ. وعان شالعاي اۋىلدارعا باراتىن جولدى جٶندەۋگە بولادى. قاراجات بٶلٸنسە, جۇمىس باستالادى.
