بٷگٸن ٷكٸمەت وتىرىسىندا بيىلعى جەتٸ ايداعى ەلەۋمەتتٸك-ەكونوميكالىق دامۋدى تالقىلاۋ كەزٸندە ۇلتتىق بانك تٶراعاسى ەربولات دوساەۆ تەڭگە باعىمىنا قاتىستى تٷسٸنٸك بەردٸ, دەپ حابارلايدى قازاقپارات.
«بيىلعى جىلعى شٸلدەدە تەڭگە باعامى مۇناي باعاسىنىڭ ٶسۋٸ اياسىندا بٸر اقش دوللارى ٷشٸن 424,45 تەڭگەگە دەيٸن 0,7%-عا نىعايدى. شٸلدە ايىنداعى قۇبىلمالىلىققا قاراماستان, مۇناي باعاسىن بەلگٸلەۋ 76,33 اقش دوللارىنا دەيٸن 1,6 پايىزعا ٶستٸ. وپەك+ تامىزدان باستاپ مۇناي ٶندٸرۋدٸ اي سايىن ۇلعايتۋ تۋرالى ۋاعدالاستىققا كەلٸسۋٸ, سونداي-اق اقش-تاعى قورلاردىڭ تٶمەندەۋٸ جەنە وتىنعا سۇرانىستىڭ ٶسۋٸ تۋرالى دەرەكتەر مۇناي باعاسىن قالىپتاستىرۋعا ىقپال ەتكەن نەگٸزگٸ فاكتورلارعا جاتادى», - دەدٸ دوساەۆ.
ونىڭ ايتۋىنشا, ترانسفەرتتەر بٶلۋ ٷشٸن ۇلتتىق قور اكتيۆتەرٸن كونۆەرتاتسييالاۋ, كۆازيمەملەكەتتٸك سەكتوردىڭ 480 ملن اقش دوللارى سوماسىنا ساتىلىمدارى جەنە ەكسپورتتاۋشىلاردىڭ سالىق تٶلەمدەرٸ كەزەڭٸندە بيرجالىق نارىقتا ۆاليۋتالىق تٷسٸمدٸ كونۆەرتاتسييالاۋى تەڭگەگە قوسىمشا قولداۋ كٶرسەتتٸ.
«ٸسكەرلٸك بەلسەندٸلٸكتٸڭ قالپىنا كەلۋٸ اياسىندا تۇتىنۋ تاۋارلارى يمپورتىنىڭ جوعارى ٶسۋ قارقىنى شەتەل ۆاليۋتاسىنا شامادان تىس سۇرانىس تۋدىرۋدى جەنە تەڭگەنٸڭ نىعايۋىنا شەكتەۋشٸ ەسەر ەتۋدٸ جالعاستىرۋدا. بيىلعى جىلعى تامىزدىڭ باسىنان باستاپ كوروناۆيرۋستىڭ دەلتا-شتامىمەن اۋرۋدىڭ ٶسۋٸ اياسىندا جاھاندىق ەكونوميكانىڭ پەرسپەكتيۆالارى بويىنشا بەلگٸسٸزدٸككە بايلانىستى مۇناي نارىعىندا قىسىم كٷشەيە تٷستٸ», - دەدٸ ۇب باسشىسى.
ونىڭ سٶزٸنە قاراعاندا, مۇنايدىڭ قۇبىلمالىلىعى جەنە تەۋەكەل-سەنتيمەنتتٸڭ ٶزگەرۋٸ تەڭگەنٸڭ ايىرباستاۋ باعامىنا قىسىم كٶرسەتۋٸن جالعاستىرۋدا.
