دوساەۆ تەڭگە باعامىنا ەسەر ەتەتٸن فاكتورلاردى اتادى

قر ۇلتتىق بانك تٶراعاسى ەربولات دوساەۆ تەڭگە باعامىنا ەسەر ەتكەن فاكتورلاردى اتاپ ٶتتٸ, دەپ حابارلايدى قازاقپارات تٸلشٸسٸ.

ونىڭ ايتۋىنشا, 2019 جىلدىڭ مامىر ايىندا ايلىق ينفلياتسييا 0,6% قۇرادى. ال جىلدىق ينفلياتسييا 5,3% دەيٸن كٶتەرٸلگەن.

«سوڭعى ۋاقىتتا ٸشكٸ ۆاليۋتا نارىعىنداعى جاعدايعا مۇنايدىڭ ەلەمدٸك باعاسى كٶپ ىقپال ەتتٸ. 27 مامىر مەن 5 ماۋسىم ارالىعىندا مۇناي باعاسى 60,6 دوللارعا دەيٸن شامامەن 13% تٶمەندەدٸ. الايدا سوڭعى ەكٸ كٷندە مۇناي باعاسى ٶزگەردٸ, بٷگٸن 62,3 دوللار بولدى. بۇعان اقش پەن مەكسيكانىڭ زاڭسىز كٶشٸ-قوندى باقىلاۋدى كٷشەيتۋ تۋرالى كەلٸسٸمگە كەلۋٸ ەسەر ەتتٸ. سونىمەن بٸرگە, 2019 جىلدىڭ ەكٸنشٸ جارىتسىندا مۇناي ەكسپورتتاۋشى ەلدەر ۇيىمى ٶز كەلٸسٸمٸن ۇزارتۋى مٷمكٸن. سالدارىنان 27 مامىر مەن 5 ماۋسىم ارالىعىندا تەڭگە باعامى 1,3% ەلسٸرەدٸ», - دەپ اتاپ ٶتتٸ ەربولات دوساەۆ ٷكٸمەت وتىرىسىندا.

بانك باسشىسى جاعدايدىڭ تۇراقتالعانىن, 5-10 ماۋسىم كٷندەرٸ ۇلتتىق ۆاليۋتانىڭ 0,3% نىعايعانىن جەتكٸزدٸ.

سونىمەن بٸرگە, ە. دوساەۆ ۇلتتىق بانكتٸڭ بازالىق ستاۆكانى 9% دەڭگەيٸندە ساقتاپ قالاتىنىن مەلٸمدەدٸ.